ئېبراھېم بېنیجی پەرلەمانتاری ۋەڵېنو شارو ڕحاو پارتو دیموکراتېکو گەلان(ھەدەپە)ی جە یانەکەو ۋێشنە جە لایەنو پۊلېسېۊ گېریا و بەردشا پۍ ڕاۋەبەری پۊلېس و چانکایای. بېنېجی دماو ورگێرتەو ۋاچەکاش قەرارو زینڎانېکەرڎەیشا پنە ئەرەیاۋنا و فاڕاشاۋە پۍ زینڎانو "سېنجان"ی پۍ تەمامکەرڎەو ماۋەو زینڎانېکەرڎەکەیش.

لقو ٤ و داڎگاو سزا قورسەکاو شارو "ڕحا"ی بە تۊمەتو ئانەی بېنېجی ساڵەو ٢٠١٣ی جە مەنتېقەو وێرانشارو پارێزگاو "ڕحا"ینە ۋاچێۋەش پێشکەش کەرڎەن، سزاو ساڵێۋەو ٨ مانگا زینڎانیش پۍ بەر کەرڎ. داڎگاو باڵایچ سزاکێش پەسەنڎ کەرڎ، کە سەرو بېنېجی-رە سەپېێبۍ.

دما بە دماو ئانەی داڎگاو باڵای قەرارەکەش پەسەنڎ کەرڎ، بېنېجی جە لایەن و پۊلېسو دۊڵەتو ترکیەیۊ گېریاو ڕەوانەو زینڎانی کریا.

ھ.ش