پەیامنێرانی ئاژانسی میزۆپۆتامیا، ئەسرا سۆلین و محەمەد ئاسڵان، خەباتکاری ڕۆژنامەی یەنی یاشام ئەنەس سەزگین و خەباتکارانی چاپەمەنی ئازاد ساڵیحە ئاراس و بەستە ئارگات بالجی و شیرین ئەرمیش و ئەردۆگان ئالیومات و پەیامنێری پێشووی ئاژانسی میزۆپۆتامیا دۆغان کایناک، لە ٢٣ ی نیسان لە چوارچێوەی لێپرسینەوەیەک لە ئیستەنبوڵ دەستبەسەرکران.

ئەو ڕۆژنامەوانانەی لە ئیستەنبوڵ دەستبەسەرکران، ئەنەس سەزگین، ساڵیحە ئاراس، یەشیم ئالیجی، بەستە ئارگات بالجی و شیرین ئەرمیش بە مەرجی چاودێری یاسایی ئازادکران.

هاووتەبێژی گشتی کۆنگرەی دیموکراتیکی گەلان (هەدەکە) ئەسەنگول دەمیر، پارتی یەکسانی و دیموکراسیی گەلان (دەم پارتی)، کۆمەڵەی ڕۆژنامەوانانی دیجلە و فورات (دەفەگە) و کۆمەڵەی ڕۆژنامەوانانی ژنی میزۆپۆتامیا (مەکەگە) بە درووشمی "چاپەمەنی ئازاد بێدەنگ ناکرێت" لەبەردەم دادگای چاگلایان پێشوازیان لە ڕۆژنامەوانان کرد.

لە ڕۆژنامەوانە ئازادکراوەکان، ساڵیحە ئاراس ڕایگەیاند ئەوان لە ڕۆژی ڕۆژنامەگەریی کوردی دەستبەسەرکراون و گوتی ئەوان هەردەم بەدوای ڕاستییەوە دەبن و پاشەکشە ناکەن.