لە هەولێر ژنان سەبارەت بە توندوتیژی دژ ژنان ٦ هەزار واژۆیان دایە پەرلەمانی هەرێمی کوردستان کرد، بەمەبەستی جێبەجێكردنی یاسایی ژمارە ٨ی ساڵی ٢٠١١ی تایبەت بە بەرەنگاربوونەوەی تووندووتیژی خێزانی.
ئەمڕۆ لە شاری هەولێر، بە نزیکبوونەوە لە ۸ی ئادار ڕۆژی جیهانی ژنان، ژنان وەک چالاکییەک ٦ هەزار واژۆ كە ماوەیەك بەرلە ئێستا لەلایەن ڕێكخراوی وادی ئەڵمانی كۆكرابوونەوە و لەگەڵ یاداشتێک ڕادەستی پارلەمانی هەرێمی کوردستان کرد.
لەو بارەو شۆخ محەمەد، بەڕێوەبەری پڕۆژەكان لە ڕێكخراوی وادی ئەڵمانی، لە كۆنگرەیەكی ڕۆژنامەونووسیدا کە لە بەردەم باڵەخانەی پەرلەمان ئەنجام درا، بەدەزگاکانی ڕاگەیاندنی وت: "ئەمڕۆ بە بۆنەی ٨ی مارس، ٦ هەزار واژۆ و یاداشتێكمان پێشكەش بە پەرلەمانتاران لە فراكسیۆنە جیاوازەكان كرد، ئەوەش بەمەبەستی جێبەجێكردنی تەواوی یاسایی ژمارە ٨ی ساڵی ٢٠١١ی تایبەت بە بەرەنگاربوونەوەی تووندووتیژی خێزانی".
شۆخ وتیشی: "بەمەبەستی جێبەجێكردن یاساكە داوا لەحكومەت و لایەنە پەیوەندیدارەكان دەكەین، لەسەرجەم شارەكانی كوردستان شەڵتەر بكاتەوە بۆ قوربانیانی توندوتیژی و شەڵتەرەكانیش پارێزراو بن و ببن بەشوێنێكی ئارام، چونكە ئێستا ئەو شەڵتەرانەی هەن ووەک بەندینخانەیەكی لێهاتووە.، پێویستیشە لەبارەی یاسای بەرەنگاربوونەوەی توندوتیژی خێزانی و نەهێشتنی خەتەنەی مێیینە، سەرجەم چین و توێژەكان وشیار بکرێنەوە".
ناوبراو ئاشکرای کرد: "هاوكات داواشمان لە وەزارەتی كار و كاروباری كۆمەڵایەتی کردوە تا شوێنی تایبەت بۆ حەوانەوەی قوربانیانی تووندوتیژی خێزانی دروست بکات".
هـ.هـ
