بەپێی ڕاپۆرتێکی بەشی ڕووداوە سێکسییەکان لە بەشی پزیشکی دادیی نەخۆشخانەی پارێزگاکانی عێراق، دەرکەوتووە؛ تەنها لە ماوەی شەش مانگی سەرەتای ئەمساڵ (٤٢١) کەس بونەتە قوربانی دەستدرێژی و توندوتیژیی سێکسی. لەو ژمارەیەش ٣٢٧یان ژنە و  ٩٤یان پیاوە.

هەر سەبارەت بە توندووتیژییەکانی دژ بە ژنان لە ڕاپۆرتێکی ڕێکخراوی لێبوەردن نێونەتەوییدا ئاماژە بە ئامارێکی وەزارەتی ناوخۆی حکومەتی فیدراڵی دراوە، کە تێیدا دەڵێت: لە کۆی نزیکەی ١٤ هەزار سکاڵا، کە لە ماوەی چوار مانگی یەکەمی ئەمساڵدا لە سەرتاسەری عێراق بە هەرێمی کوردستانیشەوە تۆمارکراون و زۆرینەیان لە لایەن ژنانەوە تۆمارکراون. ئاماژەی بەوەشداوە تەنها تۆمەتبارانی نزیکەی ١٠٠ دۆسییە سزادراون، لەبەرامبەر دا نزیکەی سێ هەزار کەس کە تۆمەتباربون بە کەفالەت ئازادکراون، هەروەک نزیکەی (چوار هەزار و ٥٠٠ دۆسییە)ـیان بە سوڵحی عەشایەری چارەسەرکراون.