ئەنجوومەنی کۆمەڵەی ژنانی زنوبیای ڕەقە لە چوارچێوەی زنجیرەچالاکییەک بەبۆنەی بەبۆنەی ٨ ی ئادار ڕۆژی جیهانیی ژنانی کرێکارەوە ڕێپێوانێکی جەماوەری لە ڕەقە ئەنجامدا.

ڕێپێوانەکە لەبەردەم نەخۆشخانەی سەربازیی لە ناوەندی شارەکە دەستی پێ کرد. بەشداربووان وێنەی ڕێبەر ئاپۆ و ئاڵای قەسەدەیان هەڵگرت و درووشمی "بژی ئیرادەی ژنی ئازاد"یان بەرزکردەوە.

لە گۆڕەپانی ژن لە ناوەندی شاری ڕەقە ڕێپێوانەکە گۆڕا بۆ گردبوونەوەی جەماوەری. پاش خولەکێک ڕێزگرتن وتەبێژی کۆمەڵەی ژنانی زنوبیا خود ئەل عیسا بەبۆنەی ٨ ی ئادارەوە سڵاوی لە ژنانی کرێکاری جیهان و هەموو ژنانی تێکۆشەر کرد.

هەروەها گوتی: "ئەمڕۆ تەنها جەژنێک نییە، یادی تێکۆشانی دووردرێژە دژی ئەو زیهنەیەتەی خوازیاری شکاندنی ئیرادە و ئازادیی ژنانە، ئەو زیهنیەتەی کە ژنان لە بەشداریکردنی کاریگەر لە بنیاتنانی کۆمەڵگەیەکی ئاشتییانە و دادپەروەر و یەکسان دووردەخاتەوە".

خود ئەل عیسا بەڵێنی دا بە درێژەدان بە ڕێگەی ژنانی تێکۆشەر تا بەدیهاتنی هەموو مافەکانی ژنان.

گردبوونەوەکە بە سروودی شۆڕشگێڕی و هەڵپەڕکێ کۆتایی هات.