رێکخراوی ژنانی ئازادی کوردستان( رەژاک) لە شاری سلێمانی لە ژێر ناونیشانی ( بە درووشمی ژن، ژیان، ئازادی بەرەو  شۆرڕشی ژنان ھەنگاو  دەنێین) بە سیمنارێک ھەر یەک لە ( لەیلا ئاگری، لەیلا یڵدز، سەما یوجە، زیلان، بێریڤان زیلان و راپەرین ئامەد )ی بە بیر ھێناوە کە ھەموویان ژنانی پێشەنگی تێکۆشانی ئازادی ژنان و کوردستانن کە لە کاتی جێاواز لە مانگی حوزەیران شەھیدبوون.

سەرەتای سیمنارەکە بە خولەکێک رێزگرتن بۆ شەھیدان دەستی پێکرد، دواتر لەلاین دایکی شەھیدان مۆمی ھیوا و بەردەوامی تێکۆشانی بۆ روووحی شەھیدان پێکرا، پاشان نامەی شەھید زیلان ( زەینەب کناجی ) لەلایەن تینا عادل بۆ ئامادەبوان خوێندرایەوە.

لە درێژەی مەراسیمەکە شەھین مەحمەد پەیامی کۆمێتەی شەھیدانی مانگی تەمووزی بۆ ئامادەبووان خوێندەوە و تیایدا تیشکی خستە سەر کار و چالاکیەکانی ئەو شەھیدانە کەوای کردوە ببنە پێشەنگ بۆ تێکۆشانی ئازادی ژنان.

لە درێژەی مەراسیمەکە بەڵگە فیلمیک لەسەر ژیان و  تێکۆشانی ژنانی پێشەنگ پێشاندراو و لە مەراسیمەکە ئامادەبووان درووشمی( شەھید نامرن) و ( ژن، ژیان ، ئازادی)-ان گوتەوە.

هـ . ب