دەوڵەتی ئێران بڕیاری لەسێدارەدانی بۆ پارێزەرانی مافی مرۆڤ و چالاکوانانی ژن پەخشان عەزیزی و شەریفە موحەمەدی دەرکرد، ژنان لە کەمپی پەنابەرانی ڕۆستەم جودی (مەخمور) بە پێشەنگایەتی ئەنجوومەنی عەشتار کۆبوونەوە ئەم بڕیارەیان شەرمەزار کرد.

ئەندامی دەستەی بەڕێوەبەریی ئەنجوومەنی عشتار، یاسەمین ئیشلەک ڕاگەیاندراوی گردبوونەوەکەی خوێندەوە و گوتی: "سیاسەت و مامەڵەی ڕژێمی ئێران لەبەرامبەر ژنانی شۆڕشگێڕ و بەتایبەتی ژنانی بزووتنەوەی ئازادیی، تا دێت توندتر و دڕندانەتر دەبێت، لە کوشتن و گرتن و ئەشکەنجە و لەسێدارەدان، ئێستا زیندانەکان پڕن لە ژنی هونەرمەند، ڕۆشنبیر، شۆڕشگێڕ و چالاکوان، کە ڕووبەڕووی ئەشکەنجەی دەروونی و جەستەیی و سێکسی دەبنەوە".

هەروەها بانگەواز لە ژنانی ئازادیخواز کرا دژی ئەم هێرشانەی دەوڵەتی ئێران بۆ سەر ژنان تێکۆشان فراوان بکەن.

لە کۆتایی چالاکییەکەدا درووشمی "بژی سەرۆک ئاپۆ" و "ژن، ژیان، ئازادی" بەرزکرایەوە.