تیرۆری سەربازانی تورک لەدژی گوندنشینان بەردەوامە
لە ناوچەی دوتاخی ئاگری ٢ گوندنشینیتر دەستگیرکران و هاوسەری کایا کە لە لایەن هێزە ئەمنیەکانەوە کوژرابوو، تا ئێستاش دەستبەسەرە.
لە ناوچەی دوتاخی ئاگری ٦ی کانونی یەکەم سەربازانی تورک هەڵیانکوتایە سەر گوندی مووشیان و موراد کایا کە باوکی ٣ منداڵ بوو لە لایەن سەربازانی تورکەوە کوژرا. ١٠ گوندنشینیش دەستگیرکران. لەو ١٠ کەسە دوو گوندنشین بڕیاری گرتنیان بۆدەرچوو. هەروەها هاوسەری موراد کایا بە ناوی زۆزان کایاش دەستگیر کرا.
کاتێک سەربازەکان هەڵیانکوتایە سەر گوندەکە، هاوڵاتیەکی بە ناوی ئەحمەد ئاکسۆی بریندار کرابوو.
هاوسەری موراد کاتا، زۆزان کایا و ژنێکی تر بە ناوی بیرگول چەتینیش تا ئێستا ئازاد نەکراون و بە پێی زانیاریەکان دادگاییدەکرێن.
ف.ق
