چەنگیز قەدەم خێری بە هۆی پێشێلکردنی مافەکانی و ڕیگەنەدان بۆ بینینی پزیشک لەبەرامبەر کردەوەکانی ئیدارەی ئیتلاعاتی کامیاران دەستی بە مانگرتن لە خواردن کردووە.

چەنگیز قەدەم خێری تووشی نەخۆشی گورچیلە بووە و چەندین جار لە دەرەوەی زیندان لە نەخۆشخانە چارەسەری بۆکراوە. پزیشکان دەڵێن، پێویستە مۆڵەت بە چەنگیز قەدەم خێری بدرێت و لە دەرەوەی زیندان چارەسەری بۆ بکرێت، بەڵام لەگەڵ ئەوەی گورچیلەیەکی لەدەستداوە و گورچیلەکەی تری تووشی خوێنبەربوون بووە، بەڵام ڕێگە بە چارەسەرکردنی نادرێت.

چەنگیز قەدەم خێری لە ساڵی ١٩٨٨ لەدایکبووە و لە ساڵی ٢٠١١ بە تۆمەتی ئەندامیتی لە حزبێکی ئۆپۆزسیۆن دەستگیرکرا و دادگای شۆرشی سنە ٤٠ ساڵ سزای زیندانی بەسەردا سەپاند و دوای ٢ ساڵ زیندانی لە سنە بۆ زیندانی مەسجد سولەیمان گواسترایەوە.

ف.ق