پۆلیسی تورک لە وان ژنە چالاکوانێکى لە ٨ مانگیى دووگیانیدا دەستگیرکرد
پۆلیسی دەوڵەتى تورک لە ناوچەى رێیا ئارمووش لە وان، ئایفەر شاهین بیلیجی نوێنەری وەقفی مافی مرۆڤی تورکیا (تیهەڤ - TIHV) دەستیگرکرد. ئەو ژنە چالاکوانە دووگیانە و دووگیانەکەى ٨ مانگە.
لە ناوچەى رێیا ئارمووش لە پارێزگاى وان لە باکووری کوردستان پۆلیسی تورک سەرلەبەیانیى ئەمڕۆ هەڵیانکوتایە سەر ماڵی ئایفەر شاهین بیلیجی و دەستگیریان کرد.
ئایفەر بیلیجی نوێنەرى وەقفی مافی مرۆڤی تورکیا (تیهەڤ - TIHV) لە ناوچەکە و دووگیانە و دووگیانەکەى لە ٨ مانگی دایە.
ئایفەر بیلیجی لەلایەن پۆلیسەوە براوە بۆ بەڕێوەبەرایەتیى ئاسایشی شارەکە.
ر.م
