بەبۆنەی ٤١کۆمەڵکوژیی مەڕاش، چالاکییەکی یادکردنەوە بەڕێوەچوو. سەدان کەس لە گۆڕەپانی نەخۆشخانە لە گەڕەکی یۆرک سەلیمس مەڕاش کۆبوونەوە، یادی شەهیدانی کۆمەڵکوژی کرایەوە و هەتا جەمخانەی ئەرنلەران بە رێپێوان چوون.

نوێنەرانی کۆمەڵە و فیدراسیۆنەکانی عەلەویان، پەرلەمانتەرانی هەدەپە زەینەل ئوزەن، کەمال پەکۆز و سەمرا گوزەلیش بەشداری چالاکی یادکردنەوەکە بوون.

بەناوی کۆمیتەی ئامادەکار، سەرۆکی کۆمەڵەی کەلتوری ئەرەنلەر، موسلیم ئیبیلی قسەی کرد و وتی، "ئەو کۆمەڵکوژییەی لە مەڕاش کراوە، تاوانێکی مرۆڤایەتییە. ئەوانەی نایانەوێت ببنە هاوبەشی ئەو کۆمەڵکوژییە دەبێت ئەو کۆمەلکوژییە شەرمەزار بکەن".

بەناوی رێکخراوەکانی عەلەویانیش، حسێن گوزەلگول وتی: "دەوڵەت بۆ بیانووەکانی فاشیزمی ١٢ی ئەیلول دروست بکات، لە سالی ١٩٧٨دا دەستی بە کۆمەڵکوژییەکان کرد".

پەرلەمانتاری هەدەپەی ئەدەنە، کەمال پەکۆز-یش رایگەیاند، لە قۆچگری بەدواوە کۆمەڵکوژییەکان بەردەوامن وتی: "دەبێت لێپرسینەوە لەو کۆمەڵکوژییانە بکرێت".

ف.ق