فڕۆکە جەنگیەکانی دەوڵەتی داگیرکەری تورک لە سەر سنوری ئۆرمیە و وان هێرشیان کردە سەر کۆمەڵێک کۆڵبەر. بەپێی زانیاریەکانی ٢ کۆڵبەر کوژراون و ٢ کۆڵبەر بریندار بوون و ٨ی دیکەش دەستگیرکراون.
سەرچاوە خۆجییەکان رایانگەیاند، بەهۆى هێرشى فڕۆکە جەنگییەکانی دەوڵەتی تورکی داگیرکەر بۆسەر گوندى کوڕانى ناوچەی سۆماى برادۆست لە پارێزگای ئورمیەی ڕۆژهەڵاتی کوردستان، کە هاوسنوورە لەگەڵ شارى وانى باکوورى کوردستان، بۆردوومانی گروپێک کۆڵبەری کرد و بەهۆیەوە دوانیان گیانیان لەدەستدا و دوو کەسى دیکەش برینداربوون.
هەروەها، هەشتى دیکە لەو کۆڵبەرانە لەلایەن هێزەکانى سوپاى دەوڵەتى داگیرکەرى تورکەوە دەستگیرکراون.
ف.ق
