بەپێی زانیاریەکان زۆر کەس کە لە جۆلەمێرگ و شڕنەخ جاشی دەوڵەتی تورکن، ٦ مانگە چوونەتە باشووری کوردستان و بوونەتە پێشمەرگە و لەلای پەدەکەش مووچە وەردەگرن.

سەرچاوە خۆجێیەکان ئاشکرایان کرد، ٣٠٠ جاش لە چوارچێوەی رێککەوتنی نێوان پەدەکە و دەوڵەتی تورکدا، بۆ باشووری کوردستان ڕەوانەکراون و بەناوی پێشمەرگەوە بەشداری لە ئۆپەراسیۆنەکاندا دەکەن. جاشەکان لە مانگی رابردووە بەشداریان لە ئۆپەراسیۆنەکانی دژی هەرێمەکانی پاراستنی میدیادا کردووە و لەناو هێزەکانی پەدەکەدا جێی خۆیان گرتووە و بۆ هەرێمی گارە ڕەوانە کرابوون.

سەرچاوەکان ئاماژەیان بەوەکرد، ئەو کەسانە لە باکووری کوردستان، مووچە لە دەوڵەتی تورک وەردەگرن و لە باشووریش بەناوی 'پێشمەرگە' مووچە لە پەدەکە وەردەگرن.

بەپێی زانیاریەکان، خانەوادەی فروزبەیئۆغلۆ لە پشت ئەم کارەوەیە.

ف.ق