لە سنە روداوێکی هاتوچۆ روویدا و ١٦ کەس گیانیان لەدەستدا
لە پارێزگای سنەی رۆژهەڵاتی کوردستان پاسێک وەرگەڕا. لە رووداوەکەدا ١٦ کەس گیانیان لەدەستدا و ١٢ کەس بریندار بوون.
نیوەڕۆی ئەمڕۆ ٢ی ئەیلول، لە پارێزگای سنەی رۆژهەڵاتی کوردستان رووداوێکی هاتوچۆ روویدا.
رووداوەکە لەسەر رێگەی مەریوان و کامیاران روویداوە و پاسێک کە ٢٨ی سەرنشینی تێدابوو، وەرگەڕا و کەوتە ناو دۆڵێک.
بەپێی زانیاریەکان، لە رووداوەکەدا ١٦ کەس گیانیان لەدەستداوە و ١٢ کەسیش بریندار بوون.
لەنێو ئەو کەسانەی کە گیانیان لەدەستداوە و بریندار بوون، منداڵیش هەن. بریندارەکان بۆ نەخۆشخانەی کامیاران گواستراونەتەوە.
بەهۆی ئەوەی برینی ژمارەیەکیان سەختە، پێشبینی دەکرێت، ژمارەی ئەو کەسانەی گیانیان لەدەستداوە زیاد ببێت.
ف.ق
