لە مۆسکۆی پایتەختی رووسیا بە پێشەنگایەتی ماڵی گەلانی رووسیا ئاهەنگێک سازکرا لە ژێر ناوی "روسیا فرەنەتەوەیە'.

ئاهەنگەکە بە ئامانجی پیرۆزکردنی 'رۆژی رووسیا' سازکرا و لە نەتەوە جیاجیاکان گروپی گۆڤەند، فولکلۆر، هونەری میللی و موزیک بەشداربوون.

بە نوێنەرایەتی گەلی کورد لە رووسیا گروپی هەڵپەڕکێی روکەن بەشدارییان لە مەراسیمەکەدا کرد.

گروپی روکەن هەڵپەڕکێی 'عەلۆ دینۆ'ی ناوچەی جۆلەمێرگ و 'قەڵای باشقەڵا'ی پێشکەش کرد و بە گەرمی پێشوازییان لێکرا.

هـ . ب