سێ رۆژ بەسەر رووداوە دڵتەزێنەكەی باڵەخانەی مترۆپۆل لەئابادان دەرباز دەبێت و هەوڵدان بۆ دۆزینەوەی ئەو كەسانەی لەژێر داروپەدۆی باڵەخانەدا گیریان خواردووە بەردەوامە و قسە و باسەكانیش لەسەر ژمارەی قۆربانیان و چارەنووسی درۆستكەری ئەو باڵەخانەش بەردەوامە.

بەگوێرەی بڵاوكراوە فەرمیەكان، هەری كەم 16 كەس بەهۆی هەڵوەشاندنەوەی باڵەخانەكە گیانیان لەدەستداوە. بەڵام چالاكوانانی عەرەب لەهەرێمەكە رایدەگەینن ژمارەی قۆربانیان زۆر لەوە زیاترە كە بڵاوكراوەتەوە و ئەوەی رایەدارانی ئێران بەشێوەیەكی فەرمی بڵاوی دەكەنەوە لەسەر ژمارەی قۆربانیان هیچ راست نییە.

هەوڵدانەكان بۆ دۆزینەوەی ئەو كەسانەی كە رەنگە لەژێر دار و پەدۆی باڵەخانەدا زیندوو بن بەردەوامە. لەئابادان بەهۆی ئەوەی تیمی كارناس و رزگاركەر بوونی نییە، تیمەكانی ئاگركۆژێنەوە لەتارانەوە رەوانەی ئابادان كراون. ئەم بابەتەش جیاكاری و ناعەدالەتی لەنێوان ناوەند و دەوروبەردا جارێكی تر نیشان دەدات.

بنەماڵەی وونبووەكان تا ئێستاكە لەدەوروبەری باڵەخانە هەڵوەشاوەكەوە چاوەڕوانن هەواڵێك لەكەس و كارەكانیان وەربگرن.

رایەداران و تەلەفزیۆنە دەوڵەتیەكانی ئێران ئەوەندە بێ باوەڕ بوونە كەهەواڵەكان باس لەگیان لەدەستدانی حسین عەبدولباقی خاوەنی ئەم باڵەخانەیە، لەكاتی هەڵوەشانی باڵەخانەكە جێ باوەڕ نیە. بنەماڵەی قۆربانیان داوای سزادانی ئەو و ئەو كەسانەن كە لەناوەندە دەوڵەتیەكان بەوەرگرتنی بەرتیل، رێگەی درۆستكردنی ئەم باڵەخانەیان بەبێ لەبەرچاوگرتنی ستاندارە جیهانیەكان داوە.

هـ . ب