لە دوای ڕاگەیاندی سەفەربەری گەلانی باکوور و ڕۆژهەڵاتی سووریا لە دژی هێرشە داگیرکارییەکانی دەوڵەتی تورک و چەتەکانی لە بەنداوی تشرین دەستییان بە چالاکی ئێشکگری کردووە و چالاکییەکە ماوەی ٩ ڕۆژە بەردەوامە.

لەگەڵ بەردەوامی چالاکییەکەدا دەوڵەتی تورک بەشێوەیەکی دڕندانە لە ئاسمان و زەمینەوە هێرش دەکاتە سەر چالاکییەکە، لە ئەنجامی هێرشەکاندا چەندین کەس شەهید و برینداربوون.

وێڕای بەردەوامی هێرشەکان گەل بەوپەڕی مۆراڵ بەرزییەوە لە چالاکییەکەیان بەردەوامن و پەیامی پاراستنی بەنداوی تشرین دەدەن.