دەسپێشخەریی ئازادی بۆ ڕێبەر عەبدوڵا ئۆجالان کە بۆ ئازادی ڕێبەری گەلی کورد عەبدوڵا ئۆجالان دامەزراوە، نامەی بۆ دامەزراوە نێونەتەوەییەکان نارد و بانگەوازی کرد بە ئەرک و بەرپرسیارێتی خۆیان هەستن.
ماڵپەڕی دەسپێشخەریی ئازادی بۆ ڕێبەر عەبدوڵا ئۆجالان لە سوریا زانیاری لەسەر هەوڵە نوێیەکان بڵاوکردەوە، ڕایگەیاند لەگەڵ چەندین ڕێکخراوی جڤاکی و یاسایی هەماهەنگی دەکات لەپێناو ئازادی جەستەیی ڕێبەری گەلی کورد عەبدوڵا ئۆجالان.
بەگوێرەی ماڵپەڕەکە بە سپۆنسەری دەسپێشخەریی ئازادی ڕێبەر عەبدوڵا ئۆجالانی سوریا و بە هاوکاری دەسپێشخەریی پارێزەرانی بەرگری لە ڕێبەر عەبدوڵا ئۆجالان، یەکێتی تەندروستی باکور و ڕۆژهەڵاتی سوریا، چەندین نامە ئاراستەی ڕێکخراوە نێونەتەوەیی و جیهانییەکانی مافی مرۆڤ کراوە.
هەروەها ڕایگەیاند، پەیام بۆ ئەم ڕێکخراوانە نێردراوە: دادگای مافەکانی مرۆڤی ئەوروپا، پزیشکانی بێسنوور، ئەنجوومەنی ئەوروپا، کۆمیتەی ئەشکەنجەی نەتەوەی یەکگرتووەکان (سی پی تی)، ئەنجوومەنی مافەکانی مرۆڤ، مانگی سوری نێودەوڵەتی، ڕێکخراوی تەندروستی جیهانی، کۆمکاری عەرەبی، ڕێکخراوی لێبووردنی نێونەتەوەیی.
