چاپەمەنییەکانی سەر بە حکومەتی شام ڕایانگەیاند سوپای ئیسرائیل لە نزیک کاتژمێر ٠٠:٢٠ هێرشێکی ئاسمانی لەسەر باشووری ڕۆژهەڵاتی حەلەب پێکهێناوە و لە ئەنجامدا کوژرا و برینداربوون و زیانێکی زۆری مادیی لێکەوتۆتەوە.

ناوەندی چاودێری مافەکانی مرۆڤی سوریا (SOHR) ڕایگەیاند بە سێ موشەک کارگەیەکی مس لە شارۆچکەی حەیانی لە باکوری حەلەب کراوە بە ئامانج کە لە ژێر کۆنترۆڵی هێزەکانی سەر بە ئێرانن. SOHR ڕایگەیاند کە سەرچاوەی هێرشەکە ئاشکرا نیە، بەڵام ئەوەی دیاریکردووە کە لە ئەنجامی هێرشەکەدا ١٦ کەس مردوون.

هەر SOHR ڕایگەیاندووە لە سەرەتای ئەمساڵەوە سوپای ئیسرائیل ٤٤ جار هێرشی سەر خاکی سوریایی کردووە، ٩٢ ئامانجی وێرانکردووە کە تێدا کۆگایی تەقەمەنی، ناوەند، بارەگای سەربازی و ئۆتۆمبێلی سەربازی هەیە.