فەرماندەیی هێزەکانی ڕزگاریی عەفرین (هەرەئە) دەربارەی ئەم بابەتە ڕاگەیاندراوێکی بڵاوکردەوە و دووپاتی کردەوە شەڕڤانەکانیان، جودی گابار و جودی ڕەشۆ و چیچەک و ژیان و دڵشێر شەهید بوون.

لە ڕاگەیاندراوەکەدا یادخراوەتەوە کە هەرەئە لە ١ ی شوباتی ٢٠٢٤ بە ڕاگەیاندراوێک زانیاری لەبارەی چالاکییەکەی عەفرینەوە دابوو و گوتبووی: "ئێمە ئاشکرامان کردبوو کە هێزەکانمان لە ٣٠ ی کانوونی دووەمی زنجیرەچالاکی تۆڵەسەندنەوەیان دژی سەرباز و چەتەکانی دەوڵەتی داگیرکەری تورک لە هەرێمی عەفرین و ئەعزاز ئەنجامداوە و گورزی گەورەیان لە داگیرکەران وەشاندووە".

لە درێژەی ڕاگەیاندراوەکەدا دەستنیشان کراوە کە ٥ شەڕڤانی هەرەئە لەو چالاکییانەدا شەهید بوون و ئەم زانیاریانەی خوارەوە بڵاوکراونەتەوە: "هەڤاڵانمان جودی گابار، جودی ڕەشۆ، چیچەک، ژیان و دڵشێر بە گیانێکی فیداکارانە بەشدارییان لەو چالاکییانەدا کردووە و شەهیدبوون. ئێمە ڕامانگەیاندبوو کە زانیاری بەرفراوان لەسەر ناسنامەی هاوڕێیانی شەهیدمان بۆ ڕای گشتی بڵاودەکەینەوە.

هاوڕێیانمان جودی گابار، جودی ڕەشۆ، چیچەک، ژیان و دڵشێر کە ئەڤینداری گەل و سروشت و چاندی خۆیان بوون، بە نیشاندانی هەڵوێست و ئیرادەی خۆیان،  ڕۆحی شۆڕشگێڕانەی سەردەمیان نیشاندا. ئەوان لە پێناو ئایندەیەکی ئازاد و گەڕانەوەی گەلەکەمان بۆ سەر خاکی خۆیان بە ورەیەکی بەرز و بە فیداکارییەکی زۆرەوە تێکۆشان. هەر پێنج هاوڕێکەمان ئازادی گەلەکەیان کردە ئامانجی یەکەمی خۆیان. تا دوا هەناسەیان دەستبەرداری هەڵوێستیان نەبوون. ئەرک و بەرپرسیارێتی خۆیان بە شایستەیی ڕاپەڕاند. یاد و ئامانجەکانیان دەبێتە بناغەی تێکۆشانی ئازادیمان".

لە ڕاگەیاندراوەکەدا سەرەخۆشی لە بنەماڵەی ٥ شەهیدەکە و تەواوی گەلی وڵاتپارێز کراوە و گوتراوە: "جارێکی تر ئەو بەڵێنەکەمان بۆ گەل و شەهیدانمان دووبارە دەکەینەوە، بە ڕۆحی شۆڕشگێڕی قارەمانانەی وەک هەر پێنج هاوڕێکەمان، شاری عەفرین لە داگیرکەران ڕزگار دەکەین".

ناسنامەی شەهیدەکان بەم جۆرەیە:

ناسناو: جودی ڕەشۆ

ناو و پاشناو: حەمید ڕەشۆ

ناوی دایک: زەینەب

ناوی باوک: خەلیل

شوێن و ڕۆژی شەهیدبوون: هەرێمی عەفرین/ ٣٠ی کانوونی دووەمی ٢٠٢٤

 

ناسناو: چیچەک کۆبانێ

ناو و پاشناو: سەوسەن بەرکەت

ناوی دایک: فاتمە

ناوی باوک: حوسێن

شوێن و ڕۆژی شەهیدبوون: هەرێمی عەفرین/ ٣٠ی کانوونی دووەمی ٢٠٢٤

 

ناسناو: دڵشێر سەرێکانی

ناو و پاشناو: عەبدولرەحمان سۆفی

ناوی دایک: منەوەر

ناوی باوک: فوئاد

شوێن و ڕۆژی شەهیدبوون: هەرێمی عەفرین/ ٣٠ی کانوونی دووەمی ٢٠٢٤

 

ناسناو: جودی گابار

ناو و پاشناو: جەمیل سلێمان

ناوی دایک: زەینەب

ناوی باوک: احمد

شوێن و ڕۆژی شەهیدبوون: هەرێمی عەفرین/ ٣٠ی کانوونی دووەمی ٢٠٢٤

 

ناسناو: ژیان عەفرین

ناو و ناوی پاشناو: ڕۆشین محەمەد

ناوی دایک: زەینەب

ناوی باوک: سلێمان

شوێن و ڕۆژی شەهیدبوون: هەرێمی عەفرین/ ٣٠ی کانوونی دووەمی ٢٠٢٤