ڕێکخراوی چاودێری مافەکانی مرۆڤ لە سوریا ڕایگەیاند، هێزەکانی حکومەتی دیمەشق خاڵێکی چەتەکانی تەحریری شام-یان لە ڕۆژهەڵاتی ئیدلب بۆردومان کردووە و لە ئەنجامی ھێرشەکە ٢ هاوڵاتی مەدەنی کوژراون.
ڕێکخراوی چاودێری مافەکانی مرۆڤ لە سوریا ڕایگەیاند، هێزەکانی حکومەتی دیمەشق خاڵێکی چەتەکانی تەحریری شامیان لە دەوروبەری ناوچەی سەرمین بۆردومان کردووە، کە لەژێر داگیرکاری دەوڵەتی تورکدایە.
ڕێکخراوەکە ئەوەشی خستووەتەڕوو، لەهێرشەکەدا ٢ هاوڵاتی مەدەنی گیانیان لەدەستداوە و ٢ کەسیش بە سەختی برینداربوون کە یەکێکیان منداڵە.
ھاوکات بە گوێرەی ئامارێکی ڕێکخراوی چاودێری مافەکانی مرۆڤ لە سوریا، "لە سەرەتای ساڵی ٢٠٢٣ەوە، لە ئەنجامی ٢٦٨ ئۆپەراسیۆن، ٤٢١ کەسی چەکدار و مەدەنی کوژراون. هاوکات ٢١٢ چەکدار و ٨٧ هاوڵاتی مەدەنی برینداربوون، کە لەو ژمارەیە ١١کەسیان ژن بوون و ٣٠ کەسیشیان منداڵ بوون".
ئەوەش خراوەتەڕوو، لەو کەسانەی کۆژراون، ٢٩٩ کەسیان لە هێزەکانی دیمەشق بوون، و ٦٧ کەسیشیان سەر بە دەستەی تەحریری شام بوون.
ژ.ن
