چەند خێزانێکی خەڵکی قامیشلۆی کانتۆنی جەزیرە بۆ وەرگرتنی چارەسر بە ئۆتۆمبیلێک چووبوونە دیمەشق، لەکاتی گەڕانەوەیان هێزەکانی دەسەڵاتی دیمەشق لە یەکەمین بازگەی شاری حومس ٣ کەسیان لەم خێزانانە ڕفاند. ناویان بەم جۆرەیە: فادی ئەمین عومەر، لەزگین ساڵەح عەبدی و نوبار سەعید جانکیر.

بەقسەی خێزانەکانیان، لەکاتی گەڕانەوەیان هێزەکانی دەسەڵاتی دیمەشق ئەوانیان لە بازگەکە ڕاگرتووە و گوتویانە بگەڕێنەوە ماڵەکانتان. بەڵام هاوژینەکانیانیان بۆ لێپرسینەوە براون و هێشتاش چارەنووسیان نادیارە. هەروەها ئۆتۆمبیل و مۆبایلەکانیان ڕفاندووە و دەستیان بسەر مۆبایلی ژنەکاندا گرتووە.  

هەروەها ڕاگەیاندرا کە لەکاتی ڕفاندنیان هێزەکان سوکایەتییان بە هاوڵاتییەکان کردووە.