کۆمیتەی تەڤ-چاندی پەکەکە یادی خەلیل داغی کردەوە و گوتی: "بەو عەشق-ژیانی و هەڤاڵێتییەوە کە لە هەڤاڵ خەلیل داغەوە وەرمانگرتووە، تا ئاواکردنی ژیانێکی ئازاد لەگەڵ ڕێبەر ئاپۆدا، هەموو کاتێک لە تێکۆشاندا دەبین."
کۆمیتەی تەڤ-چاندی پەکەکە لە ساڵیادی شەهیدبوونی خەلیل داغ (خەلیل ئویسال)دا ڕاگەیاندراوێکی نوسراوی بڵاوکردەوە.
ڕاگەیاندراوەکە بەم شێوەیە:
"شۆڕشگێڕ، هونەرمەند، قارەمان و هەڤاڵی دڵسۆز خەلیل داغ، لە ڕۆژێکی وەک ئەمڕۆدا لە ساڵی ٢٠٠٨دا لە بۆسەیەکی سوپایی تورکی داگیرکەردا گیانی لە دەستدا.
خەلیلی نووسەر، وێنەگر، سینەماکار، خەلیلی پێشەنگ، گەریلا؛ خەلیلی چیا؛ دۆستی چیاکان؛ هاوشێوەیی ناوەکەی. نزیکترین دۆستی چیا بوو. لە لوتکەی چیاکان، ساڵانێک ڕەنجی بێ‌پچڕانی دا. بە وزەیەکی زۆر و خۆشەویستییەکی جوانەوە درێژەی بە هونەر و شەڕەکانی دا. ژیانی پڕاوپڕ لە تێکۆشانی وەک میراتیەک بۆ بە جێهێشتین.
هەڤاڵ خەلیل دەیگوت، 'کامێرا و هەڤاڵێتیمان هەیە.' بە کامێرا و هەڤاڵێتییەکەیەوە؛ چیرۆکەکانی دڵێ خۆی و چیاکانی دەگێڕایەوە. گەرمییەکانی ژیانی چیا، سەختییەکانی شەڕ، ماڵئاواییە ناوادەکان، بزە و جۆشی گەریلاکان و یادەوەرییەکانیانی نوسییەوە. لە ساتە گەرمەکانی شەڕدا ئامادەبوو؛ هەواڵە لە بیرنەکراوەکانی ڕاگەیاند. بە کامی دڵییەوە وێنەی گەریلاکانی دەگرت؛ نیگاییان، یادکردنەوەیان، باوەڕ و بەڵێنیانی بۆ جێهێشتین. بە فیلمەکانی، چیرۆکە گوزاراوەکانی زیندوو کردەوە. هەڵبەست نوسینەوە؛ بە نزیکترین هەستەکانی، بە قوڵایی فکر و ئایدیاکانی، ئەستێرەی ژیانی گەریلایی کردەوە بە وێژە. بەم کارانەیەوە بووە یەکێک لە گەورەترین بانگەشەکارەکانی تەڤگەری ئازادی.
خەلیل داغ چیاکانی کوردستانی خۆش دەویست. لە زنارە سەختەکان، دۆڵە قوڵەکان، لە لوتکەیی چیاکان گەڕا؛ بە دوای هەموو چیرۆکە شاراوەکان و نیمچە ماوەکان گەڕا. ساتە ونبووەکان، ساتە دڵگر و غەمگینەکانی بە شێوەیی خۆیەوە زیندووکردەوە و دیمەنی دەگرتن. لە ساتەکانی شەڕدا، لە چالاکی و سەرکەووتنەکاندا ئامادە بوو؛ لە گەشت، شەومانەوە، دیلان و سترانەکانی گەریلادا ئامادە بوو. بە ئاو، خاک و ئاگری چیاکانەوە ژیانی دەکرد. بەم شێوەیە توانیبووی سینەمایی چیایی درووستکات. وێڕای هەموو دۆخە سەختەکان و 'بێ دەرفەتی' توانیبووی شاکاریی مێژوویی بئافرێنێ. سینەمای هەڤاڵ خەلیل سینەمای چیاکانی کوردستان بوو؛ سینەمای قارەمانێتی و جوانی کوردان؛ سینەمای ئازادی کوردان بوو. سینەمای کوردی نوێی قارەمانێتی بوو؛ کە خۆی لە بابەتی 'ئۆبژەی' مێژووی ڕزگارکرد و خۆی کرد بە بابەتی ژیانی خۆی؛ خۆبوونی خۆیی پێکهێنا.
خەلیل داغ لە ژیانی خۆییدا نموونی هەڤاڵێتی بوو. لە نووسین و فیلمەکانییدا، پێگەیەکی جیاوازی دەدا بە ژیانی کوردی ئازاد و تەڤگەری ئازادی ژن. گەر قسەیەکی دەربڕینەوە؛ ' دەبێت ژنی کورد بە بیرۆکەی خۆیەوە بچێتە ناو سینەماوە و بە چاوی خۆی لەم دنیایە بڕوانێت. ئەو چاوە گەورە و جوانانە و ئەو نیگایانەی کە زیاترن لە شتێکی بە بابەت بوو، شێوازی تێگەیشتنیان لە مرۆڤەکان و جیهان؛ دەتوانێت پێشەنگایەتی سینەمای کوردی بکات'.
هەڤاڵ خەلیل دڵبەستەی ژیانی ئازاد بوو. ئەڤینداری گەریلا و ڕێبەر ئاپۆ بوو. هەموو کاتێک هەوڵی دەدا لە ئاست ئەو بەڵێنە شایستەبووەدا بمێنێتەوە کە بە ڕێبەر ئاپۆیی دابوو. لە نووسینەکانیدا باسی جۆشوخرۆشی ئەو ساتانەیی کردووە کە باسی ڕێبەر ئاپۆ تێداکردووە. بە هەڵوێستێکی ئاپۆیی، ساڵانێک لە چیا ئازادەکانی کوردستاندا درێژەی بە تێکۆشانەکانی دا.
ئەوەندە حەزی لە گەشت و لە باکوور دەکرد. ناوی کۆتا پرۆژەی 'گەشتیاری چیایی ئارارات'بوو. لەگەڵ گەریلادا پەڕییەوە بۆ باکووری وڵات و بەرەو لوتکەکان چوو. هەمیشە بڵندە و لە بڵندیدا دەبێت.
بەڵێن و ئەرکمان درێژەدانە بە گەشتیاریی وی. وەکوو ڕێهەڤاڵ و ڕێچکەگری هەڤاڵ خەلیل، درێژە بە تێکۆشانی دەدەین و ئاواتەکانی پێکدێنین. بەو عەشق-ژیانی و هەڤاڵێتییەوە کە لە هەڤاڵ خەلیلەوە وەرمان گرتووە، تا ئاواکردنی ژیانێکی ئازاد لەگەڵ ڕێبەر ئاپۆدا، هەمووکاتێک تێدەکۆشین.
هەڤاڵ خەلیل تۆ هەمیشە زیندوویی."
