لە چوارچێوەی قۆناغی سێیەمی ئۆپەراسیۆنەکە بە ناوی "ئۆپەراسیۆنی مرۆیی و ئەمنی"، لە بەشی موهاجیرات کە مەترسیدارترین بەشی کەمپەکەیە، پشکنین ئەنجامدرا.

لە ئۆپەراسیۆنەکەدا ژمارەیەک چەتەی داعش دەستبەسەرکران و  چەندین کەرستەی بریندارکەر دەستی بەسەردا گیرا.

ڕاگەیاندرا، لە ئۆپەراسیۆنەکەدا ٨ لایەنگر دەستگیرکراون و تونێلەکانی خۆحەشاردانی چەتەکان دۆزراونەتەوە.  

هێزەکانی ئاسایشی ناوخۆی باکور و ڕۆژهەڵاتی سوریا ڕایگەیاند لە ٢٤ کاژمێری ڕابردوودا ژمارەی دەستگیرکراوان گەیشتۆتە ٢٩ کەس.

لە پشکنینەکاندا بۆمبێکی دەستی و کەرەستەی بریندارکردن و جلی سەربازی و پارە و ئامێری چەتەکان دەستی بەسەردا گیرا.