ناوەندی ڕاگەیاندنی هێزەکانی ئاسایشی ناوخۆی باکور و ڕۆژهەڵاتی سوریا، ڕایگەیاند، ئەندامێکیان بە ناوی خالید عەشوی ئەلموغیر لە ١٣ ی تشرینی دووەم لە شاری مەنسورە لە تەبقە لەسەر ئەرکەکەی بەهۆی بەئامانجگرتنی ئۆتۆمبیلەکەی شەهیدبووە.

ڕاگەیاندراوەکە وەهایە:

"شەهید خالید پێش چەند ساڵێک هاتە ڕیزەکانمانەوە و تێکۆشانی دەستپێکرد، یەک لە ئەندامە دڵسۆزەکانمان بوو، بەشدارت شەڕەکانی دژی چەتەکان بوو. بە هەموو هێز و بوێریییەکەوە بەرخۆدانی کرد و ژیانی خۆی بۆ وڵات و گەلەکەی فیداکرد. لەپێناو وڵاتەکەی هەردەم لە ڕیزەکانی پێشەوە بوو. خاوەنی ڕۆحی بەرپرسیاری و هەڤاڵێتی بەرز بوو. هەتا شەهیدبوون، لە هەموو قۆناغەکانی تێکۆشان بەشداری کرد و ناوی خۆی لەنێو فیداکاری شەهیدە قارەمانەکانماندا نوسییەوە.

ناسنامەی شەهید بەم جۆرەیە:

ناو: خالید ئەلموغیر

ناوی باوک: عەشوی

ناوی دایک: خود

شوێن و کاتی ئەندامبوون: مەنسورە –٤ /٦/٢٠١٨

شوێن و کاتی شەهیدبوون: مەنسورە _ ١٣/١١/٢٠٢٣".