مەجلیسی سەربازی تەل تەمر زنجیرە چالاکییەکی دژی سوپای داگیرکەری تورک و چەتەکانی ئەنجامدا. پەیوەست بە چالاکییەکە ڕاگەیاندراوێک لەسەر ماڵپەڕی هێزەکانی سوریای دیموکراتیک (قەسەدە) بڵاوکرایەوە.

ڕاگەیاندراوەکە بەم جۆرەیە:

"هێرشەکانی سوپای داگیرکەری تورک و چەتەکانی بۆ سەر هەرێمەکانمان بەردەوامە، بەزۆری خەڵکی سڤیل دەکاتە ئامانج.

بەڵام هێزەکانمان ڕووبەڕووی هەموو هێرشەکانی داگیرکەر و چەتەکانی بووییەوە لە مانگی ئەیلول، ڕاستەوخۆ وەڵامی دانەوە. ئەنجامی چالاکیی هێزەکانمان دژی سوپای داگیرکەری تورک و چەتەکانی بەم جۆرەیە:

٤ ی ئەیلول، هێزەکانمان لە گوندی عەزیزیە لە باکوری ڕۆژئاوای تەل تەمر چالاکییەکیان دژی چەتەکان ئەنجامدا، ٣ چەتە کوژران.

٧ ی ئەیلول، هێزەکانمان بنکەی "مەناخ"ی داگیرکەری تورکیان لە باکوری تەل تەمر کردە ئامانج، زرێپۆشێکی داگیرکەران تێکشکێنرا، ٣ سەربازی داگیرکەری تورک کوژران و سەربازێک بریندار بوو.

١٠ ی ئەیلول، هێزەکانمان لە گوندی ڕەیحانیە لە باکوری تەل تەمر، چالاکییەکی سەربازییان دژی چەتەکانی داگیرکەری تورک ئەنجامدا، ٢ چەتە کوژران و چەتەیەک بریندار بوو.

١٠ ئەیلول، نزیک گوندی قاسمیەی سەر بە شارۆچکەی تەل تەمر، هێزەکانمان خاڵێکی سەربازی چەتەکانیان کردە ئامانج، ئەنجامەکانی چالاکییەکە هێشتا نەزانراوە.

ئەنجامی چالاکی هێزەکانمان بەگشتی: ٣ سەربازی تورک  و ٧ چەتە کوژران، سەربازێکی داگیرکەر و ٣ چەتە بریندار بوون".