لە چوارچێوەی هەڵمەتی جیهانیی بە داخوازی جەستەیی ڕێبەری گەلی کورد عەبدوڵا ئۆجالان، کۆنگرەی ستار و مەجلیسی ژنان و مەجلیسی بنەماڵەی شەهیدانی کانتۆنی عەفرین و شەهبا چالاکی خێمەدانانیان لە شارۆچکەی ئەحداس ئەنجامدا. لە ڕۆژی سێیەمدا بەشداربووان گوێبیستی دیدگای ڕێبەری گەلی کورد عەبدوڵا ئۆجالان بوون. ئەندامی کۆنگرەی ستاری کانتۆنی عەفرین و شەهبا هێڤین ڕەشید سیمینارێکی بە ناونیشانی "ژنی سیاسەتمەدار" ئەنجامدا. لە سیمینارەکەدا تیشکخرایەسەر ڕۆڵی ژنان لە مێژوودا و پێشکەوتنی ژنان لەسایەی فیکری ڕێبەری گەلی کورد عەبدوڵا ئۆجالان.

ئەندامی کۆمیتەی پاراستنی کانتۆنەکە زەکیە فازڵ سیمینارێکی ئەنجامدا بە ناونیشانی "شەڕی شۆڕشگێڕی".

پاشان بەشداربووان تیشکیان خستەسەر گرنگی خەبات بۆ ئازادی جەستەیی ڕێبەری گەلی کورد عەبدوڵا ئۆجالان.

چالاکییەکە بە ڕاگەیاندراو کۆتایی هات. ئەندامی کۆردیناسیۆنی کۆنگرەی ستار ڕەیحان عەلۆ ڕاگەیاندراوی خوێندەوە. لە ڕاگەیاندراوەکەدا بەڵێن درا بۆ شوێنکوتنی فیکری ڕێبەری گەلی کورد عەبدوڵا ئۆجالان و ڕێگەی شەهیدان تا بەدیهێنانی ئازادی جەستەیی ڕێبەری گەلی کورد عەبدوڵا ئۆجالان.