ناوەندی ڕاگەیاندنی هێزەکانی سوریای دیموکراتیک (هەسەدە) لە ڕاگەیاندراوێکدا ئاشکرای کرد، لە ئۆپەراسیۆنی "پتەوکردنی ئاسایش" ی هەسەدە دژی چەتەکانی داعش و تاوانباران لە گوندەواری دەیرەزۆر، ٥ شەڕڤانی هێزەکانی ئەلشمالی دیموکراتیک شەهیدبوون.

ڕاگەیاندراوەکەی هەسەدە بەم جۆرەیە:

"هێزەکانمان، هێزەکانی سوریای دیموکراتیک، ئۆپەراسیۆنی "پتەوکردنی ئاسایش"ـی لە هەرێمەکانی ڕۆژهەڵات و باکوری گوندەواری دەیرەزۆر دەست پێ کرد، بۆ پاککردنەوەی لە پاشماوەکانی چەتەکانی داعش و تاوانباران و بازرگانانی مادەی هۆشبەر.

ئۆپەراسیۆنەکە لەسەر داوای شێخ و ڕیشسپیانی هەرێمەکە هات، پاش زیادبوونی چالاکیی شانە نوستووەکانی داعشی تیرۆریست، لەگەڵ زیادبوونی قاچاخی و دەستدرێژی بۆ سەر مافی هاوڵاتیان و تێکدانی ئاسایشی گشتی لەو هەرێمانە. پێکهاتە جیاوازەکانی هێزەکانمان بەشداری ئۆپەراسیۆنەکە بوون.

لە ئۆپەراسیۆنەکانی پاککردنەوەی هەرێمەکەدا لە چەتە تیرۆریستەکان و تێکدەرانی ئاسایش، پێنج شەڕڤانی هێزەکانی ئەلشیمالی دیموکراتیکی سەر بەهێزەکانمان شەهید بوون، پاش بەرخۆدانێکی مێژوویی لە بەگژاچوونەوەی چەتە تیرۆریستەکان و ڕووبەڕوونەوەی قاچاخچیان و دەرچووان لەیاسا.

سەرەخۆشی لە خۆمان و بنەماڵەی شەهیدەکان دەکەین. هاوکات جەخت دەکەینەوە لە بەدیهێنانی ئامانجی شەهیدان، هەروەها پاراستنی ئاسایشی هەرێمەکە و هاوڵاتیان زیاتر دەبێت".

ناسنامەی شەهیدەکان بەم جۆرەیە:

ناو و پاشناو: محەمەد عومەر ئەل تەها

ناوی دایک: ناهید

شوێن و کاتی لەدایکبوون: ئەدلیب/١٩٩٣

شوێن و کاتی شەهید بوون: دەیرەزۆر – ٢٩ ئابی ٢٠٢٣.

 

ناو و پاشناو: موستەفا خالد خەتیب

ناوی دایک: خالدیە

شوێن و کاتی لەدایکبوون: ئەدلیب/١٩٩٢

شوێن و کاتی شەهید بوون: دەیرەزۆر – ٢٩ ئابی ٢٠٢٣.

 

ناو و پاشناو: محەمەد ماهیر حەلیب

ناوی دایک: بەسینە

شوێن و کاتی لەدایکبوون: ئەدلیب/١٩٩٦

شوێن و کاتی شەهید بوون: دەیرەزۆر – ٢٩ ئابی ٢٠٢٣.

 

ناو و پاشناو: فەیاز تەراد ئەلعەبدوڵا

ناوی دایک: مەریەم

شوێن و کاتی لەدایکبوون: ئەدلیب/١٩٨٧

شوێن و کاتی شەهید بوون: دەیرەزۆر – ٢٩ ئابی ٢٠٢٣.

 

ناو و پاشناو: خالید حەمود زەینو

ناوی دایک: ڕەحمە

شوێن و کاتی لەدایکبوون: ئەدلیب/١٩٩٢

شوێن و کاتی شەهید بوون: دەیرەزۆر – ٢٩ ئابی ٢٠٢٣.

 

ناوەندی ڕاگەیاندنی هێزەکانی ئاسایشی ناوخۆی باکور و ڕۆژهەڵاتی سوریا ڕاگەیاندراوێکی بڵاوکردۆتەوە و دەڵێت:

"ئەندامەکان ئەنەس ئەلرەحال لە ٣٠ ی ئابی ٢٠٢٣ لە ئۆپەراسیۆنی "پتەوکردنی ئاسایش" کە دژ بە چەتەکان و تاوانباران دەستی پێ کردووە، لە شەڕێکدا شەهید بوو. 

ناسنامەی شەهید بەم جۆرەیە:

 

ناو و پاشناو: ئەنەس ئەلرەحال

ناوی باوک: عیسا

ناوی دایک: شێخە

شوێن و کاتی پەیوەندیکردن: تەبقە ٢١/١٢/٢٠١٨

شوێن و کاتی شەهید بوون: دەیرەزۆر – ٣٠ ئابی ٢٠٢٣.