ئاهەنگی نەورۆز لە مەیدانی نەورۆزی شقەیف لە حەلەب بە بەشداریی هەزاران هاووڵاتی بەڕێوە چوو.

لە میانەی ئاهەنگەکەدا، ئەندامی مەجلیسی گشتیی پارتی یەکێتی دیموکراتیک (پەیەدە)، محەمەد شێخۆ وتی: "ئاگری نەورۆز هەمیشە گەشاوەیە، داگیرکەران هەوڵیاندا بیکوژێننەوە. بەڵام بەرخۆدانی گەلی کورد و پاراستنی بوونی ئەوان لەسەر ڕێبازی شەهیدان و بیرۆکەی ڕێبەری گەلی کورد عەبدوڵا ئۆجالان، ئەم هەوڵانەی شکستی هێنا."

فاتمە ئەلحسینۆ، ئەندامی بەڕێوەبەری نوسینگەی پەیوەندییەکانی مەجلیسی سوریای دیموکراتیک قسەی کرد و نەورۆزی لە ڕێبەری گەلی کورد عەبدوڵڵا ئۆجالان هێزە سەربازییەکان و گەلی کورد و کرد پیرۆز کرد و ڕایگەیاند: "لە مانگی ئاداردا عەفرین داگیرکرا، لەگەڵ ئەوەشدا پشتڕاستی دەکەینەوە کە هەموو ساڵێک ئاگری نەورۆز دەگەشێتەوە و بە هەموو جیهان ڕایدەگەیەنین کە کەس ناتوانێت ئەم گەلە لەناوببات کە خاوەن بیرۆکە و فەلسەفەی ڕێبەر عەبدوڵائۆجالانە و لەسەر بنەمای بەرخۆدان و تێکۆشان دروست بووە.

ئاخین تۆڵهڵدان لە فەرماندەکانی یەکینەکانی پاراستنی ژنان (یەپەژە) قسەی کرد و دڵنیایی دا لە بەرفراوانکردنی تێکۆشان تا ئازادی جەستەیی ڕێبەرعەبدوڵا ئۆجالان.

هەروەها ئەندامی دەستەی سەرۆکایەتیی پەیەدە، فۆزا یوسف، قسەی کرد و نەورۆزی لە ڕێبەری گەلی کورد عەبدوڵا ئۆجالان پیرۆز کرد و وتی: "هێزە تاریکەکان و سیستەمی دەسەڵاتدار بە هەموو شێوەیەک دەیانویست بەرخۆدانی ڕێبەر ئۆجالان لەناوببەن. بەڵام گەل بە بیرۆکەکانی ڕێبەرەکەی تێکۆشانی کرد و و خۆی بە ڕێکخستن کرد، بەمشێوەیە پلانەکانی لەناوبرد."

ئاهەنگەکە بە پێشکەش کردنی بەرهەمی هونەرمەندان بە جۆشەوە درێژەی هەبوو.