پارتی یەکێتیی دیموکراتیک (پەیەدە) بەبۆنەی ٢٠ەمین ساڵیادی سەرهەڵدانی قامیشلۆ راگەیەندراوێکی بڵاوکردەوە.

لە سەرەتا راگەیەندراوەکەدا ئاماژە بە ئاڵۆزیەکانی سوریا، غەززە، یەمەن، سودان و ئوکرانیا و سەرتاسەری رۆژهەڵاتی ناوەڕاست و رۆژهەڵاتی ئاسیا کراوە و باس لەوەکراوە، "ئەو ئاڵۆزیە دەریدەخات کە کێشە لە شێواز و فۆرمی دەوڵەتی ناوەندیدا هەیە کە خۆی بەسەر رۆژهەڵاتی ناوەڕاست دەسەپێنێت و هیوای گەلانی ناوچەکە، بە تایبەتی گەلی کورد، هەروەها راستی مێژوویی، سیاسی و جوگرافیاییەکەی پشتگوێ دەخات".

لە راگەیەندراوەکەدا ئەوەشخراوەتەڕوو، کە سەرهەڵدانی ١٢ی ئاداری ٢٠٠٤ دۆخێکی پشێوی نەبوو وەک ئەوەی رژێمی دیمەشق بانگەشەی بۆدەکرد و بەم جۆرە درێژەی بە راگەیەندراوەکە داوە: "سەرهەڵدانی ١٢ی ئادار سەرهەڵدانێکی راستەقینەیە کە لە قامیشلۆوە دەستیپێکردبوو. لە ئەنجامی سەرهەڵدانەکەدا ٤٠ کەس شەهید بوون، بە دەیان کەس برینداربوون و بە سەدان کەسیش لەلایەن هێزە ئەمنییەکانی سوریاوە دەستگیر و ئەشکەنجەدران. سەرهەڵدانەکە بە سەرتاسەری رۆژئاوای کوردستان، باکور و رۆژهەڵاتی سوریا، دیمەش و حەڵەبدا بڵاوبووەوە و دەنگدانەوەیەکی زۆری هەبوو. سەرهەڵدانەکە بنچینەیەکی سەرەکی شۆڕشی سوریایە کە لە ئاداری ٢٠١١دا دەستیپێکرد و بناغەیەکی شۆڕشی ١٩ی تەمووزی ٢٠١٢یە. ئامانجی شۆڕش ئەوەیە کە سەرنج بۆ سەر ئەوە رابکێشرێت کە سوریا پێویستی بە گۆڕانکاری و دیموکراسی هەیە و ئەوەی کە بە تایبەتی پرسی کورد لە سوریا کێشەکانی ناوچەکە بەتایبەتی پرسی کورد لە سوریا وەک دۆزێکی نیشتمانی چارەسەر بکرێت".

لە راگەیەندراوەکەدا شەهیدانی سەرهەڵدانی ١٢ی ئاداری یادیان کرایەوە و ئەوە خراوەتەڕوو، ئامانجی سیستمی باڵادەستی ناوەندی بۆ نانەوەی ئاژاوە لە نێوان پێکهاتەکانی سوریا و یاری کردنی بە بەهاکانی سەرهەڵدان نەگەیشتوونە ئەنجام.

لە راگەیەندراوەکەدا بە بۆنەی ٢٠ەمین ساڵیادی سەرهەڵدانی قامیشلۆ، داوا لە سەرجەم هێز، حزب و کەسایەتیە وڵاتپارێزەکان بە تایبەتی هێز و لایەنە کوردیەکان کراوە کە یەکڕیزی و یەکێتی خۆیان ساز بکەن و هەڵوێستی سیاسی بگرنەبەر و کۆتایی بە بەرژەوەندی سیاسی تەسک بهێنن. هەروەها داواکراوە دەستکەوتەکانی شۆڕشی باکور و رۆژهەڵاتی سوریا بپارێزرێن.

هەر لە راگەیەندراوەکەدا ئاماژە بەوە کراوە کە رێگەی چارەسەرکردنی ئاڵۆزیەکانی سوریا بڕیاری ٢٢٥٤ە و لەبارەی سیستمی خۆبەڕێوەبەریش هاتووە: "خۆبەڕێوەبەری دیموکراتیکی باکور و رۆژهەڵاتی سوریا نمونەیەکی گرنگە کە ئامانجی دەستەبەرکردنی سەقامگیری و ئاشتیە لە ناوچەکە و لە سوریا".

هـ . ب