پارتی یەکێتی دیموکراتیک (پەیەدە) سەبارەت بە هێرشەکانی دەوڵەتی داگیرکەری تورک بۆ سەر ناوچەکانی باکور و ڕۆژهەڵاتی سوریا ڕاگەیەندراویکی بلاوکردەوە. ڕاگەیەندراوەکە لە قامیشلۆ لە شوینی ڕووداوەکەی ئاڵا خوێندرایەوە.

گەل، ئەندامانی پەیەدە و دامەزراوەکان بەشدارییان لە ڕاگەیندراوەکەدا کرد.

ڕاگەیەندراوەکە بەم شێوەیەیە:

"دەوڵەتی داگیرکەری تورک بە فڕۆکە بێ فرۆکەوانەکانی هێرش دەکاتە سەر ناوچەکانی باکور و ڕۆژهەڵاتی سوریا و ژێرخانی ناوچەکە دەکاتە ئامانج.

ئێمە وەک گەلی باکور و ڕۆژهەڵاتی سوریا دەنگی خۆمان دەگەیەنین بە هەموو لایەنە ناونەتەوەییەکان، بۆ ئەوەی بە باشی لە ڕاستی ئەم دەوڵەتی تێبگەن.

دووبارە دەڵێینەوە ئێمە بە نەتەوە جیاوازەکانمان وڵاتی خۆمان دەپارێزین و با دەوڵەتی تورکی داگیرکەریش باش بزانێت کە ئیڕادەی ئێمە لە فرۆکەکانی ئەوان بەهێزترە.

ڕاگەیەندراوەکە بە دروشمی "بەرخۆدان ژیانە" کۆتایی هات.