ناوەندی راگەیاندنی هێزەکانی سوریای دیموکراتیک (قەسەدە) لەبارەی شەهیدبوونی مەزڵوم قامیشلی (باسل لۆرانس ئەلحسۆ)  راگەیەندراوێکی بڵاوکردەوە.

قەسەدە لە راگەیەندراوەکەیدا باسی لەوەکردووە، "هەڤاڵمان مەزڵوم و ژمارەیەک لە هەڤاڵانی دیکە لە بەرامبەر هێرشی تیرۆریستی لە دژی دەروازەی سەرەکی خاڵی سەربازی خۆڕاگرییان کرد و نەیانهێشت تیرۆریستان بجنە ناو خاڵە سەربازییەکەوە. تیرۆریستەکان لەو هێرشەیاندا ئۆتۆمبێلێکیان تەقاندەوە. لە ئەنجامدا سێ شەڕڤانمان شەهید بوون و ٧ی دیکەش برینداربوون. هەڤاڵمان مەزڵوم یەکێک لە بریندارەکان بوو.

سەرەخۆشی لە بنەماڵەی هەڤاڵە شەهیدەکەمان و سەرجەم بنەماڵەی شەهیدان دەکەین. تۆڵەی شەهیدانمان لەو تیرۆریست و بکوژانە دەکەینەوە. هێزەکانمان سەرچەتە و بەرپرسی ئەو هێرشەیان لەناوبرد. هەروەها ئۆپراسیۆنەکانمان لە دژی ئەوان بەردەوام دەبێت تا ئەو کاتە ناوچەکە لە تیرۆری ئەوان رزگار دەکەین".

زانیاری لە سەر ناسنامەی شەهید بەم جۆرەیە:

ناسناو: مەڵوم قامیشلی

ناو و پاشناو: باسل ئەلحسۆ

ناوی دایک: نەجلە ئەلحسۆ

ناوی باوک: لۆرانس

شوێن و کاتی لەدایکبوون: دۆڵاویە-١٩٩٥

شوێن و کاتی شەهیدبوون: نەخۆشخانەی ساریا- حەسەکە- ١٨ی ئایاری ٢٠٢٤".

هـ . ب