ڕاگەیاندراوە ئامانجی شاندەکە بۆ جێبەجێ کردنی بڕیارەکانی ڕێککەوتنی ١٠ی ئادارە کە نێوان فەرماندەی گشتی هێزەکانی سووریای دیموکراتیک (قەسەدە) مەزڵوم عەبدی و سەرۆککۆماری کاتی سووریا واژۆکراوە.

ئەبو عومەر ئیدلیبی لەسەر هەژماری خۆی لە دیجیتاڵ میدیا پەیامێکی بڵاوکردووەتەوە و ئاماژەی بەوەداوە بە سەردانیکردنی شاندەکە جەخت لەسەر ڕێککەوتنەکەی نێوان مەزڵوم عەبدی و ئەحمەد شەرع دەکرێتەوە. ئیدلیبی ئەم هەنگاوەی وەک 'پێشهاتێکی گرنگی وەسفکرد بۆ بەهێزکردنی یەکێتی سووریا و ئاسایشی ئەمنی وڵاتەکە."

پێشتر لە کۆبوونەوەی ١٢ی نیسانی نێوان فەرماندەی گشتی هێزەکانی قەسەدە مەزڵوم عەبدی و بەرپرسانی حکومەتی دیمەشقدا، ئەندامانی کۆمیسیۆنی باکوور و  ڕۆژهەڵاتی سووریا دیاریکرابوون و  بریتین لە؛ فۆزا یوسف، عەبدولحەمید ئەل مەحباش، ئەحمەد یوسف، سەنحاریب بارسوم و سۆزدار حاجی.

هەروەها مەریەم ئیبراهیم و یاسر سولەیمانیش وەک وتەبێژی کۆمسیۆن دیاری کرابوون، ئەو شاندەی کە سەردانی دیمەشق دەکەن ئەندامانی کۆمیسیۆنەکەن.

چارەسەری هەمیشەیی

ئیدلیبی باسی لەوەشکردووە هیودارن ئەم پرۆسەیە زەمینەسازی بۆ چارەسەرییەکی بەرفروان بکات و ڕایگەیاندووە سەردەمی نوێ هیوایەک بۆ 'سووریایەکی یەکگرتوو' دێنێتەئاراوە.