فەرماندەیی گشتی هێزەکانی ئەنتی تیرۆر (هات)ـی باکوور و ڕۆژهەڵاتی سوریا دربارەی شەهیدبوونی شەڕڤانێکی ڕاگەیاندراوێکی بڵاوکردەوە.

لە ڕاگەیاندراوەکەدا دووپاتی دەکاتەوە شەڕڤانێکیان بە ناوی شەڕگەر (شیار بۆزان) ئەمڕۆ (٢ ی شوباتی ٢٠٢٥) لە بەرخۆدانی پردی قەرەقۆزاق بەرامبەر هێرشە داگیرکارییەکانی دەوڵەتی تورک و چەتەکانی شەهیدبووە.

لە ڕاگەیاندراوەکەدا هاتووە: "شەهید شەڕگەر سیمبولی فیداکاری و ڕزگاری بووە و نموونەی دلێری بووە لە پاراستنی شکۆی گەل و خاکەکەی".

هەروەها بەڵێندراوە بە درێژەدان بە ڕێگەی شەهید شەڕگەر و تەواوی شەهیدان تاوەکو بەدیهێنانی سەرکەوتن.

بەگوێرەی ڕاگەیاندراوەکە، زانیارییەکان دەربارەی ناسنامەی شەهید بەم جۆرەیە:

ناسناو: شەڕگەر

ناو و پاشناو: شیار بۆزان

ناوی دایک: مەدینە

ناوی باوک: فازڵ

شوێن و کاتی لەدایکبوون: بیر عەرەب/٢٠٠٥

کاتی بەشداربوون: ٢٦-٧-٢٠٢٣

شوێن و کاتی شەهیدبوون: پردی قەرەقۆزاق، ٢_٢_٢٠٢٥.