سەدان دانیشتووی شاری حەسەکە تەرمی ئەندامی هێزەکانی ئاسایشی ناوخۆ، شەهید مەحمود حەسەن حەمادەیان لە گۆڕستانی شەهید دژوار بەخاکسپارد. شەهید مەحمود لەکاتی ئەرکەکەیدا شەهید بوو.

لە مەراسیمەکەدا، وێنەی شەهید و درووشمی "شەهید نامرن" بەرزکرایەوە.

ئەندامی مەجلیسی بنەماڵەی شەهیدان، عەزیزە حوسێن، قسەی کرد و شەهیدانی ئازادی بیرهێنایەوە. بەڵێنی دا بۆ درێژەدان بە هێڵی شەهیدان.

لە هێزەکانی ئاسایشی ناوخۆ، شیار حەسەکە، گوتی: "دوژمن دەیەوێت لە ڕۆژئاوا پیلانی قێزەون جێبەجێ بکات و ئیرادەی گەلان بشکێنێت". بەڵێنی دا بۆ درێژەدان بە ڕێگەی شەهیدان و بەدیهێنانی سەرکەوتن.

پاشان ئەندامی مەجلیسی بنەماڵەی شەهیدان، ڕۆژدا ئەحمەد، ناسنامەی شەهیدی خوێندەوە و ڕادەستی بنەماڵەکەی کرد.

تەرمی شەهید بە درووشمی دڵسۆزی بۆ شەهیدان بەخاکسپێردرا.