تەرمی شەڕڤانی هێزەکانی سووریای دیموکراتیک (قەسەدە) شەهید ئەبو هیلال (ئیبراهیم ئەل نەجم) بە مەڕاسیمێک لە گۆڕستانی شەهیدانی تەبقە بە خاک سپێردرا.

بە سەدان خەڵکی کانتۆنی تەبقە، کۆچبەرانی شەهبا و عەفرین، ئەندامانی ‌دامەزراوە مەدەنیی و خزمەتگوزارییەکان بەشداری مەڕاسیمی بە خاک سپاردنی شەهید ئەبو هیلال (ئیبراهیم ئەل نەجم) بوون.

لە مەڕاسیمەکەدا هاوسەرۆکی گشتیی ئەنجوومەنی بەڕێوەبەری کانتۆنی تەبقە ئەحمەد ئەل عومەر سەرەخۆشی لە بنەماڵەی شەهید کرد و تەواوی شەهیدانی شۆڕشی باکوور و ڕۆژهەڵاتی سووریای بیرهێناوە گوتی: "ئەمڕۆ لە تەواوی بەرەکان بۆ پاراستنی پڕۆژەی دیموکراتیکی لە هەرێمەکە بەرخۆدانێکی مەزن و قارەمانانە دەبینین".

وتیشی: "جارێکی دیکە لە بەرانبەر ئاستەنگییە گەورەکاندا بە بەهێزییەوە دەوەستینەوە تاوەکو سەرکەوتن بە دەست دەهێنین".

بەڕێوەبەری ئەنجوومەنی سەربازی تەبقە شیرین موسا بەڵێنی درێژەدانی ڕێگەی شەهیدانی دووبارە کردەوە تاوەکو سەرکەوتن گوتی: "قەرزاری شەهیدانین. بۆ بەدی هێنانی ئامانجی شەهیدان تێبکۆشین، دووژمن لە ناوببەین و خاکی خۆمان ڕزگار بکەین".

لە کۆتاییدا ناسنامەی شەهید خوێندرایەوە و ڕادەستی بنەماڵەکەی کرا.