تەرمی شەڕڤانی هێزەکانی جەبهەت ئەکراد عەبدوڵا ئەحمەد کە ١١ ی تەمموز لە مەنبەج شەهیدبوو، لە گۆڕستانی شەهیدانی فافینی مەنبەج بەخاکسپێردرا. کۆچبەرانی عەفرین و دانیشتووانی شەهبا و ئەندامانی پارتە سیاسییەکان و ڕێکخراوەکان بەشداربوون.

هاوسەرۆکی مەجلیسی بنەماڵەی شەهیدانی کانتۆنی عەفرین و شەهبا محەمەد ولۆ قسەی کرد و لە کەسێتی شەهید عەبدوڵا ئەحمەد هەموو شەهیدانی مانگی تەمموزی بیرهێنایەوە.

ئەندامی مەجلیسی ڕێکخستنی پارتی یەکێتی دیموکراتیک (پەیەدە) ئیلهام محەمەد گوتی: "ڕۆژانە شەهید دەبەخشین لەپێناو پاراستنی ئەم خاک و گەلە. ئەمەش بۆ پاراستنی دەسکەوتەکانی گەلی کوردە".

پاشان لەسەر ناوی بنەماڵەی شەهید، ئامۆزای شەهید عەبدوڵا، شێخ عەلی قسەی کرد و دووپاتی کردەوە درێژەپێدەری ڕێگەی شەهیدان دەبن.

پاشان ناسنامەی شەهیدی خوێندەوە و ڕادەستی بنەماڵەکەی کرا.