تەرمی شەڕڤانی یەکینەکانی پاراستنی ژن (یەپەژە) شیلان عەفرین کە لە تەبقە لەسەر ئەرکەکەی شەهید بوو، لە ناوچەی ئەحداسی شەهبا بەشێوەیەکی جەماوەری پێشوازی لێ کرا. سەدان دانیشتووی عەفرین و شەهبا بەشداری پێشوازییەکە بوون. جەماوەر وێنەی شەڕڤانی یەپەژە، شەیلان عەفرین و درووشمی "شەهید نامرن"یان بەرزکردەوە.

جەماوەر تەرمی شیلان عەفرینیان هەڵگرت و بەرەو نەخۆشخانەی عەفرینی ناوچەی فافینی شەهبا بەڕێ کەوتن.

تەرمی شەڕڤانی یەپەژە، شیلان عەفرین سبەی لە گۆڕستانی شەهیدانی بەرخۆدانی سەردەم لە ئەحداس بەشێوەیەکی جەماوەری بەخاک دەسپێردرێت.