ئەندامی هێزەکانی پاراستنی جەوهەری (هەپەجە) فیدان حەمۆ لە ١ی کانوونی دووەمی ٢٠٢٤دا شەهیدبوو، لە گۆڕستانی فافینی کانتۆنی شەهبا بە بەشداری کۆچبەرانی عەفرین و گەلی شەهبا بەخاک سپێردرا. لە مەراسیمەکەدا وێنەی شەهید فیدان حەمۆ بەزکرایەوە و دروشمی "شەهید نامرێ" وترایەوە.

جەماوەری گەل لەسەرەتادا تەرمی شەهید فیدان لە نەخۆشخانەی ئەڤرین وەرگرت و بەرەوە گۆڕستانی شەهیدان بەرێکەوتن. لەگۆڕستان بەناوی هەپەجە، زەینەب باران، سەرەخۆشی بۆ گەلی کورد خواست و وتی: "شەهید فیدان بەڵینی دابوە گەلی خۆی و بەڵێنی خۆی بەجێگەیاند. ئێمەش لەسەر ڕێگەی شەهیدان دەبین. لە سایەیی شەهیدانەوە بوونی گەلی کورد پارێزراوە".

بەناوی مەجلیسی کانتۆنی عەفرین و شەهبا، حەسونی عەبدۆ قسەیکرد و وتی: "کچی عەفرینە، لە سایەیی ئەم شەهیدانەوە وڵاتمان دەپارزین. ئێمەش لەسەر ڕێگەی شەهیدانمان دەڕۆین".

داوتر ناسنامەی شەهید خوێندرایەوە و ڕادەستی  بنەماڵەکەی کرا.

تەرمی شەهید لەناو هەلهەلەی دایکان و دورشمی "شەهید نامرێ" بەخاک سپێردرا.