ئیدارەی خۆبەڕێوەبەری دیموکراتیکی باکور و ڕۆژهەڵاتی سوریا بەبۆنەی هاتنی نەورۆزەوە ڕاگەیاندراوێکی دا، هاوسەرۆکانی ئیدارەی خۆبەڕێوەبەری دیموکراتیکی باکور و ڕۆژهەڵاتی سوریا، ئەڤین سوێد و حوسێن عوسمان ڕاگەیاندراوەکەیان خوێندەوە.

لە ڕاگەیاندراوەکەدا شەهیدانی نەورۆز یادکرانەوە.

پاشان نەورۆز لە تەواوی گەلی هەرێمەکە و بنەماڵەی شەهیدان و شەڕڤانانی قەسەدە و هێزەکانی ئاسایشی ناوخۆ پیرۆزکرا و گوترا: " ئیدارەی خۆبەڕێوەبەری دیموکراتیک هاوشانی گەل لەڕێگەی پێکهێنانی هاوپەیمانی جڤاکی و ڕزگارکردنی خاکی سوریاوە بەها و واتا ڕاستەقینەکانی نەورۆز دەهێنێتە دی".

هەروەها ڕاگەیاندراوە، بەم ئاگرەی ئەمڕۆ کرایەوە دەسپێکی ئاهەنگەکانی نەورۆز لە شار و شارۆچکەکانی کانتۆنەکانی هەرێمی باکور و ڕۆژهەڵاتی سوریا ڕادەگەیەنین، بانگەواز لە گەل دەکەین بەشداری نەورۆز بکەن.