ستیفان دیمستورا بە ناوی نووسینگەى تایبەتى نوێنەری نەتەوە یەکگرتوەکان بۆ کاروباری سوریا راگەیاندراوێکى بڵاوکردووەتەوە. لە راگەیاندراوەکەدا هاتووە، دیمستورا لەگەڵ ٣٠ نوێنەری رێکخراوە مەدەنییەکانى سوریا لە نووسینگەى نەتەوە یەکگرتووەکان لە جنێڤ کۆبوونەوە و بۆ ماوەى ٢ رۆژ کۆبوونەوەکەش بەردەوام بووە.
ئاماژە بەوەشکراوە، لەگەڵ نوێنەران و ئەندامانى رێکخراوە مەدەنییەکانى ناوچە جیاجیاکانى سوریا لەبارەى چارەسەری سیاسی لە سوریا گفتوگۆ کراوە.
ئەوەش خراوتەڕوو، نوێنەرانی رێکخراوە مەدەنییەکان داوایان کردووە کۆمسیۆنى نووسینەوەى دەستووری بنەڕەتیى نوێى سوریا لە ژێر چاودێریی نەتەوە یەکگرتووەکان دا بەخێرایى دابمەزرێت و رێکخراوە مەدەنییەکانى سوریاش تیایدا بەشدار بن.
ر.م