یەپەژە ئاماری شەڕ و بەرخودانی ساڵی ٢٠١٨ی بڵاوکردەوە
فەرماندەیى گشتیى یەکینەکانى پاراستنى ژن (یەپەژە) ئاماری شەڕی ساڵی ٢٠١٨ی لە باکوور و رۆژهەڵاتى سوریا بڵاوکردەوە.
فەرماندەیى گشتیى یەکینەکانى پاراستنى ژن (یەپەژە) ئاماری شەڕی ساڵی ٢٠١٨ی لە باکوور و رۆژهەڵاتى سوریا بڵاوکردەوە.
فەرماندەیى گشتیى یەکینەکانى پاراستنى ژن (یەپەژە) لە راگەیاندراوێکدا ئاماری شەری ساڵی ٢٠١٨ی لە باکوور و رۆژهەڵاتى سوریا بڵاوکردەوە.
یەپەژە رایگەیاندووە "ئیمە یەکینەکانى پاراستنى ژن ساڵی ٢٠١٨ دا بە هەموو شێوەیەک ئەرکی پاراستنى هەموو ژنان و گەلەکەى خۆی بەجێهێناوە. هێزەکانمان لە بەرخودانى سەردەمدا بە ورەیەکى پۆڵاین، ئازایانە و بڕوایەکى گەورەوە وەڵامى هێرشەکانى دەوڵەتى تورکی داگیرکەریان دایەوە. ئەو هەڵوێستە بەرخودێرەى شەڕڤانمان، پێداگریی ئێمەى بۆ سەرکەوتن دەستنیشانکرد".
راشیگەیاندووە "شەڕڤانەکانمان بە شێوەیەکى چالاکانە بەشداریى هەڵمەتى گەردەولولی جزیر و هەموو شەڕەکانى دژ بە داعش و هێزە داگیرکەرەکان کردووە".
ئاماری شەڕ و بەرخودانى ساڵی ٢٠١٨
- لە شەڕی ٥٨ رۆژەى عەفریندا ٩٠٠ شەڕ روویداوە.
- لەو شەڕانەدا هەزار و ٤٢ هێرشی ئاسمانى لەلایەن هێزی داگیرکەرەوە ئەنجامدران.
- لەو شەڕانەدا ٢ هەزار و ٤٢٢ سەرباز و چەتەى دەوڵەتى تورک کوژران.
- لە قۆناغی دووەمی بەرخودانى سەردەمدا ١٤٧ چالاکى ئەنجامدران.
- لەو چالاکییانەدا ٣٥٠ چەتە و سەربازى دەوڵەتى تورک کوژران.
- شەڕڤانانی یەپەژە لە هەڵمەتى گەردەولولی جزیردا هەستاون بە ئەنجامدانى رۆڵی پێشەنگانە.
- لە قۆناغە جیاوازەکانى هەڵمەتى گەردەولولی جزیردا ٤ هەزار و ٢١٤ چەتەى داعش کوژران.
- لەو هەڵمەتەدا دەیان ناوچە و سەدان گوند لە داگیرکەریى داعش رزگار کران.
- دەیان هەزار هاووڵاتی لە دەست چەتەکان رزگارکران.
- لە ساڵی ٢٠١٨ و لە شەڕ و بەرخودانى پاراستنى شکۆ و کەرامەدا ١٤٩ شەڕڤانی یەپەژە شەهید بوون.
فەرماندەیى یەپەژە رایگەیاند، لە ساڵی ٢٠١٨دا سەدان ژن چوونەتە ریزەکانى یەپەژەوە.
ر.م