ڕێپێوانی درێژی ٢٦ ڕۆژە، لە ٢١ی کانوونی دووەمەوە لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد"دا لە فەرەنسا دەستپێکراوە. لە ١٠ هەمین ڕۆژی چالاکییەکەدا لە شاری پاریسی پایتەختی فەڕەنسا بەردەوام بوو.

ڕێپێوانەکە بە شێوەیەکی جەماوەری لە پێش ناوەندی کولتووری ئەحمەد کایە بە کۆبوونەوە بەردەوام بوو. چالاکوانان تا بەردەم نوسینگەی ئەنفرۆماسیۆنی کوردستان، کە لە ٩ی کانوونی دووەمی ٢٠٢٣دا هەرسێ ژنە شۆڕشگێڕی کورد؛ ساکینە جانسز، فیدان دۆغان و لەیلا شایەلمەزی تێیدا لە لایەن میتی دەوڵەتی تورکەوە تیرۆر کران، ڕێپێوانیان کرد. بە دانانی چەپکە گوڵ یادی ژنانی شۆڕشگێڕییان کردەوە و دواتر ڕۆشتنە کەنیسەی سپی، لەوێ بڵاوکراوەیان بە زمانی فەڕەنسی لەسەر ئامانجی ڕێپێوانەکە بڵاوکردەوە.

لە بەردەوامی چالاکییەکەدا، چالاکوانان چوونە سەر ئارامگەی موستەفا نازیف ئاکتاشی پەکەکەییان کرد، کە لە ٢٣ی کانوونی یەکەمی ١٩٨٥ لە لایەن هێزە پیلانگێڕەکانی پاریسەوە تیرۆر کرا. لە سەردانەکەدا جەخت لەسەر بەردەوام بوون لەسەر ئامانجەکانی شەهید ئاکتاش کرایەوە.

دواتر چالاکوانان چوونە سەر ئارامگەی هونەرمەندی کورد ئەحمەد کایە، یەڵماز گونەی و د. عەبدولرەحمان قامیشلۆ و لە کەسێتی شەهیداندا هەموو شەهیدانی ڕێگەی ڕزگارییان یاد کردەوە.

هەر لە سەردانەکانیاندا چالاکوانان سەردانی گۆڕستانی بڕیارداری کۆمۆنەی پاریسییان کرد و ئەمەیان گوت: "هەڤاڵانی ئەنتەرناسیۆنالیست لەسەر ڕێگەی خۆمان دەبینین. هەندێک لەوان بەم نزیکانە لە ڕۆژئاواوە گەڕابوونەوە، پێیان گوتین پشتگیری لە ڕێبەر ئاپۆ و تێکۆشانمان دەکەن."

لە بەردەوامییدا چالاکوانان ئاماژەیان دا بەوەی بە هەزاران شۆڕشگێڕی ئەنتەرناسیۆنالیست ڕوویان لە ڕۆژئاوا کردووە و لە تێکۆشاندان و گوتیان: "بەم بۆنەیەوە یادی شەهیدانی شۆڕشگێڕانی ئەنتەرناسیۆنالیست و کۆمۆنەی پاریس بەرز ڕادەگرین."

چالاکوانان لە کۆتاییدا ئاماژەیان بەوەدا تا ئەنجامدانی ڕێپێوانی گەورەی شاری ستراسبۆرگ کە لە ١٥ی شوباتدا ئەنجام دەدرێت، لە چالاکییەکانیان بەردەوام دەبن و بانگەوازی بەشداربوونیان کرد.