كوژراوانی غەززە ٤٥ هەزار و ٥٠٠ کەسی تێپەڕاند
بە پێی ڕاگەیەندراوی وەزارەتی تەندرووستی غەززە، ژمارەی کوژراوانی شەڕ گەیشتە ٤٥ هەزار و ٥٥٣ کەس.
وەزارەتی تەندرووستی غەززە نوێترین ئاماری کوژراو و بریندارانی هەر لەدەستپێکی شەڕێ نێوان حەماس و ئیسرائیلی بڵاو كردەوە و ڕایگەیاندووە تا ئێستا ٤٥ هەزار ٥٥٣ هاوڵاتی غەززە كوژراون و ١٠٨ هەزار و ٣٧٩ كەسیش برینداربوون.
هەروەها ئاماژە بەوەشكراوە، لەماوەی ٢٤ كاتژمێری ڕابردوودا ١٢ كەس كوژراون و ٤١ كەسی دیكە بریندار بوون.
ئەوەش خراوەتەڕوو، ٤٥١ ڕۆژە هێرش و بۆردوومانەكانی ئیسرائیل بۆ سەر غەزە بەردەوامە و ژمارەیەك لە قوربانیان هێشتا لە ژێر داروپردووی باڵەخانە ڕووخاوەكاندا ماون.
