بە پێشەنگایەتی کۆمۆنی ژنانی شەهید گوڵان لە هێلسینگبۆرگ ڕێوڕەسمی بەبیرهێنانەوەی ساکینە جانسز، لەیلا شایلەمەز، فیدان دۆغان کە لە ٩ی کانوونی دووەمی ٢٠١٣ شەهید کران و ئەڤین گۆیی، میر پەروەر و عەبدولڕەحمان کزڵ کە لە ٢٣ی کانوونی یەکەم شەهید کران، بەڕێوەچوو.

مەراسیمی یادکردنەوەکە بە خولەکێک ڕێزگرتن بۆ یادی شەهیدان دەستی پێکرد و کورتە فیلمێک لە سەر شەهیدانی پاریس نمایشکرا.

بکوژانی ئەو کۆمەڵکوژییانە شەرمەزار کران و داوا لە حکومەتی فەرەنسا کرا کە ئەرکی خۆی بۆ دادپەروەری جێبەجێ بکات.

مەراسیمی یادکردنەوەکە بە دروشمی 'شەهیدان نامرن' کۆتایی هات.