هاوسەرۆکی گشتیی پەیەدە ساڵح موسلیم بە شێوەی ئۆنلاین بەشداری مەراسیمەکەی کرد کە لە بینای ناڤ-کورد رێکخرابوو.

موسلیم وتی، "کۆبانێ سەرکەوتنی کورد و مرۆڤایەتی دیموکراتیکە. راستە قوربانی زۆرمان دا و داعشمان لەناو برد. سپاسی کەمئەندامان و گیانبەختکردووانمان دەکەم کە لەم شەڕەدا گیانی خۆیان بەخت کرد و فیداکارییان کرد".

هاوسەرۆکی پەیەدە باسی لەوەشکرد، "ئێمە داعشمان لەناوبرد، بەڵام بەر لە شەڕی غەزە دەوڵەتی تورکی قڕکەر ٤٩ مرۆڤی ئێمەی لە رۆژئاوا کوشت" و بەم جۆرە بەردەوام بوو:

"لە هێرشەکەی ئەم دواییەی دەوڵەتی تورکدا شوێنە مەدەنییەکان بۆردومان کران، ملیارێک دۆلار زیان بەر ژێرخانی ئابووری ناوچەکە کەوت. هێزە نێونەتەوەییەکان بەرپرسیارێتی و ئەرکی خۆیان بەجێناهێنن. ١٢ هەزار چەتەی داعش لە زیندانەکاندان، ئێمە ٣٥ هەزار ئەندامی خێزانەکانیان لە کامپەکان دەپاڕێزین. زۆرینەیان خەڵکی وڵاتانی رۆژئاوان".

چالاکی و مەراسیمەکە بە نمایشکردنی بەڵگەفیلمێک کۆتاییهات.

هـ . ب