بەرنامەکانی پلاتفۆڕمی گەلانی ئەورووپا لە ڤییەنا کۆتای هات و پەیامی، "بە یەکخستنی تێکۆشان و ڕوانگەکانمان ئەو ژیانە ئازادە بونیاد دەنێین کە گەلانی جیهان و هەموو زیندەوەرانی سەر هەسارەکەمان شایەنیانە." درا.
بەرنامەی 'دەستپێشخەری وەربگرنەوە' کە بە بەشداری ٨٣٦ نوێنەر لە ٣٠ وڵاتی ئەرووپاوە ڕۆژی هەینی لە زانکۆی ڤییەنا دەسیپێکردبوو، ئەمڕۆ لە سێهەم ڕۆژییدا بە ڕاگەیاندنی ئەنجامنامە، بە سروود و درووشمەوە کۆتای هات.
لە سێهەم ڕۆژی بەرنامەکەدا سەرەتا ئەو گرووپانەی چالاکییەکانیان بەڕێوەدەبرد بە ناونیشانی "دامەزراندی خۆسەر"، "ئاکتیڤیزم و ڕێکخستن بوون"، "تێکۆشان لە دژی سیاسەتەکانی قڕکردن" و "میدیایی دیموکراتیک" وۆرکشۆپەکانیان پێشکەش کرد. دواتر زۆرێک لە نوێنەرەکان بۆچوون و ڕەخنەی خۆیان هاوبەش کرد.
دوای ناوبڕێک لەسەرناوی کۆمیتەی ئامادەکاری پلاتفۆڕمی گەلانی ئەورووپا هەڵسەنگاندنی ئەنجامنامەی پلانتفۆڕمەکە ڕاگەیاندرا.
لە ڕاگەیاندرواوەکەدا باس لە ئامانجی پلاتفۆڕمەکە کرا و گوترا: "پلاتفۆڕمی گەلانی ئەورووپا هەر تەنها بۆ شیکاریکردنی مۆدێرنێتەی سەرمایەداری یان بۆ هەڵسەنگاندی دۆخی ئێستا نەبووە، هاوکات بۆئەوەیشە بە شێوەیەکی دەستەکۆی کۆببیینەوە و ئەو ڕێبازە دەستپێبکەین."
لە ڕاگەیاندراوەکەدا ئاماژە بەوە کراوە کە جیهان لە لێواری گۆڕانکاریدایە و ڕاگەیاندرا کە بۆ ئەوەی ببنە هێزێک بۆ چارەسەری دەبێت بەڕێکخستن ببن و ئەمە گوترا: "جیهان لە لێواری گۆڕانکارییەکی مێژووییدایە. ئەو گۆڕانکارییە جیۆپۆلەتیکیانەی ڕووبەڕوومان دەبنەوە، پێشکەوتنە تەکنەلۆژییەکان، لەناوبردنی ئیکۆلۆژی، قەیرانە کۆمەڵایەتی-ئابوورییەکان گەیشتوونەتە ئاستێکی بێ وێنە. بەڵام لەگەڵ هەموو ئاڵەنگارییەکی گەورەدا دەرفەتی گەورە دێتە پێشەوە. توانای ئێمە بۆ فێربوون، داهێنان، بنیاتنانی پشتگیری، و دروستکردنی چارەسەری بەدیل ڕۆڵێکی سەرەکی دەگێڕێت لە بەدیهێنانی ئەم دەرفەتانە. هەر بۆیە ئەم کۆنفرانسە زۆر گرنگ بوو. ئێمە ئەم پلاتفۆرمەمان دروستکردووە بۆ کۆکردنەوەی دیدگا جیاوازەکان، گەڕان بەدوای بیرۆکەکان، هاوبەشکردنی ئەزموونەکان، و دروستکردنی گۆڕانکارییەکی مانادار."
لە جیهاندا ژن پێشەنگی تێکۆشانە
لە بەیاننامەکەدا ئاماژە بەوە کراوە کە کارە کردارییەکانی داهاتوو بە پێی ئەو پێشنیازانە ئەنجام دەدرێن کە لە چالاکییەکەی ڤییەنا ڕێککەوتنیان لەسەر کراوە، و لە درێژەدا هاتووە: "بزووتنەوەی ژنان توانای ئەوەی هەیە کە چالاکانە سەرکردایەتی بزووتنەوە و ڕێکخراوە جەماوەرییەکان بکات. ئەگەر سەرکەوتووانە بەرگری لە ئازادی ستەملێکراوان و خەبات بۆ ئازادی بکات، دەتوانێ ڕۆڵی سەرەکی لە گۆڕینی ژیان لە هەموو بوارەکانی ژیان و لە سەرانسەری جیهاندا بگێڕێت."
لە کۆتایی ڕاگەیاندراوەکەدا ئەمە هاتووە: "بەرپرسیارێتییەکی مێژووی دەکەوێتە ئەستۆی هەموو کەسێک. وەک کەسانێک کە لە ئەورووپادا تێدەکۆشین. ئەرکمانە لە دژی نەبوونی ئازادی، نادادپەروەری و وێرانکارییەکان کە لە لایەن هێزە ئەورووپییەکانەوە لە جیهاندا بڵاوکراوەتەوە، بوەستینەوە. وەرن تێبکۆشین، ڕوانگە و هێزمان یەکبخەین و بۆ گەلانی جیهان ژیانێک ئازادی شایستە دامەزرێنین."
چالاکیەکە بە بەرزکردنەوەی درووشم بە هەردوو زمانی کوردی و ئیتاڵی "بژی سەرۆک ئاپۆ" و "ژن، ژیان، ئازادی" و بە گێڕانی گۆڤەند و هەڵپەڕکێ کۆتای هات.
