لە تۆرنتۆی گەورەترین شاری کەنەدا، بە بەردەوامی، بە پێشەنگایەتی ئەنجومەنی کوردی کەنەدا لە چوارچێوەی هەڵمەتی جیهانی ئازادی بۆ ڕێبەر ئاپۆدا چالاکی ئەنجام دەدرێت.

لە درێژەی چالاکییەکانیاندا کوردان و دۆستانیان بە ڕێپێوانێک لە کۆڵانی یونگ و بلۆرەوە تا یونۆن ستاشن پیلانگێڕێ نێونتەوەیی ١٥ی شوباتی سەر ڕێبەر ئاپۆییان شەرمەزار کرد.

لە ڕێپێوانەکەدا پانکارتی 'ئازادی بۆ ئۆجالان' و 'کەس ناتوانێت ڕۆژەکانمان تاریک بکات' بەرزکرایەوە و هێرشە داگیرکارییەکانی دەوڵەتی تورک شەرمەزار کرا.

لە بەردەوامی چالاکییەکەدا بڵاوکراوەی زانیاری دەربارەی گۆشەگیری ئیمراڵی و هێرشە پیسەکانی سەر گەلی کورد بەخشرایەوە.

لە گۆڕەپانی یونۆن ستاشن ڕێپێوانەکە گۆڕدرا بۆ گردبوونەوە و تێیدا لێدوان و ڕاگەیاندراو دەربارەی ڕۆڵی ڕێبەر ئاپۆ لە ئازادی گەلی کورد بە گشتی و ژنان بە تایبەت کرا، هەروەها سڵاو لە زیندانیان سیاسی کرا.

لە ڕاگەیاندراوەکەدا جەخت لەسەر بەردەوامیدانی تێکۆشان بۆ ئازادی ڕێبەر ئاپۆ کرایەوە و گوترا: "تاوەکو وڵات و ڕێبەرێتییمان ئازاد نەبێت، بەردەوامی دەدرێت بە تێکۆشانی ئازادی."