سەعید خەتیبزادە وتەبێژی وەزارەتی دەرەوەی ئێران لە یەكەم لێدوانی لەساڵی نوێ هەتاوی رایگەیاندووە:"دەوڵەتی ئەمریكا لەسەر ئەو رێكار و بابەتانەی ماون لەدانۆستانەكانی ڤیەننا تا ئێستا بڕیارێكی سیاسی نەداوە و هەوڵدەدات، ئەو بابەتانەی ماون وەكو بارمتەیەك تێكەڵ بە كێشە سیاسیە ناوخۆییەكانی خۆیەوە بكات".

وتەبێژی وەزارەتی دەرەوەی ئێران راشیگەیاند؛ ئێمە خەڵكێكی دان بەخۆداگرین و لەو باوەڕەشدام ئێمە نەهێڵە سورەكانمان دەبەزێنین و نە دەست لەداواكاریەكانمان هەڵدەگرین".

دانۆستانەكانی ڤیەننا بەئامانجی كەمكردنەوەی دووبارەی بەربەستەكان لەبەردەم بەرنامەی ئەتۆمی ئێران و هەڵگرتنی گەماڕۆكانی ویلایەتە یەكگرتووەكانی ئەمریكا ماوەی ساڵێكە دەستی پێ كردۆتەوە، دوابەدوای راوەستانێكی كۆرتمەودا لەكاتی گۆڕانی كابینەی دەوڵەتی ئەمریكاوە.

ئەم دانۆستاندنانە لەمانگی رابردووەوە راوەستاون و لایەنەكان هەركامە بەرامبەرەكەی بەبەرپرسی راوستاندنی دانۆستانەكان تاوانبار دەكەن.

ف.ق