بۆکانەنە ژەنێوە کوردە جەتەرەفوو هێزە ئەمنییەکاوە گیریا
ژەنێوە کوردە جە تەرەفوو هێزە ئەمنییەکا ئێرانیوە جە دەگێوە سەر بە شاروو بۆکانینە جە پاڕێزگاو ورمێنە گیریا.
بە پاو هەواڵێوە تۆڕەو مافەکا مرۆڤوو کوردسانی شەوەو پەنج شەممەی ٣٠ی ئایاری هێزە ئەمنییەکاو ئێرانی جە دەگاو یەنگیجەی سەر بە بۆکانی هۊرشاکوان سەروو یانێوە و هەتاو ئەکرەمەشا گێرتێنە.
ئانەیچ وزیان ڕووە، هێزە ئەمنییەکۍ بە بێ وستەیڕووە و ئەمرەو دادوەری و بە دایوەنەی و تنووتیژیی ئا ژەنە کوردێشا گێرتێنە.
هەتاو ئەکرەمە کە خەڵکەو تیکابەینە ماوەو چن ساڵێوەن جە پانیشتوو کوردەسانینە ئەرەنیشتێنە و جە ڕووانی ۋییەردەنە پەی بەشداری جە مەراسیموو هامسەرگیری کوڕەکەیشەنە گێڵێبێوە پەی ۋەرکەوتوو کوردەسانی.
هەڵای مەڵامەتوو گێرتەی و حەرپاسە شۊنماو ئا گرتەخانەیە نەزانیان کە ئا ژەنە کوردێشا پەی بەردەن.
ماوەو چن مانگێوەن هێزە ئەمنییەکاو ئێرانی هەڵمەتەو گێرتەی و دەس سەرەرەگێرتەی هاموڵاتیا و چالاکا کوردیشا چڕکەردەنۆ و جە دووە مانگی ۋییەردەنە زیاتەر جە ١٠٠ کەسا گیریێنۍ.
